نجم الزمالك السابق: حسام حسن مش بيحب محمد صلاح.. ويختار الأفضل بين زيزو وإمام عاشور – فيديو

حل أحمد علي كامل مهاجم نادي الزمالك السابق، ضيفًا على برنامج “الهدف” تقديم الإعلامي إبراهيم عبد الجواد على قناة “أون تايم سبورتس 2” للحديث عن ذكرياته مع القلعة البيضاء، وبعض الملفات الهامة المتعلقة بالكرة المصرية.

وبسؤاله هل حسام حسن كان سبب رحيلك عن الاتحاد السكندري، رد “أحمد علي” :” ده حصل فعلًا والموضوع بالنسبة ليا في الاتحاد كان صعب،و بالنسبالي الأجواء في الاتحاد السكندري كانت صعبة جدًا مقدرتش عليها”.

وبسؤاله :” ما تعليقك على أزمة محمد صلاح وحسام حسن في المنتخب؟”، رد ” علي” :” بشكل عام الكابتن حسام حسن مش بيحب محمد صلاح، وانا نفسى الكابتن حسام ينجح لأنه طول الوقت بيشتغل على نفسه”.

وأضاف “أحمد علي” خلال استضافته في برنامج ” الهدف” على قناة ” أون تايم سبورتس 2 “:” الكابتن حسام حسن لازم يصفى الخلافات اللى بينه وبين أي لاعب كان بيدربه قبل كده وحصل بينهم مشكلة لأنه محتاج جميع اللاعبين عشان ينجح”.

وبسؤال أفضل لاعب في مصر حاليًا زيزو ولا إمام عاشور؟، رد ” أحمد علي” :” الاتنين في نفس المستوى و يستحقوا لقب أفضل لاعب في مصر بالمناصفة”.

وبسؤاله هل نسخة كهربا في الزمالك أقوى ولا في الأهلي؟، رد ” علي” :” كهربا مقدرش اتكلم عنه قوي .. وأنا شايف إنه في الزمالك كان الأفضل، لكنه حاسس بالراحة أكثر في الأهلي”.

شاهد: