وجه احمد حسام ميدو ، طلب غير متوقع لإدارة الزمالك ، حيث طالب بمعاملة احمد زيزو لاعب خط وسط الفريق بالاجنبي.
وقال ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية : اللى ماسك ملف زيزو هو حسين لبيب وبيتواصل بشكل مباشر مع والد زيزو .
وواصل : وجمهور الزمالك نفسه زيزو يكمل حصد بطولات مع النادي ، وبقول لزيزو إنت ممكن تكون اسطورة حقيقية في الزمالك لو كملت لأنك بتضرب الأرقام القياسية.
وأشار : ازم تعامل زيزو كانه لعيب أجنبي ، لانك مش هتعرف تعوضه وياما جبت لعيبه اجانب أخدت أرقام ومعملتش حاجه.
وأكد : الأجنبي بياخد أرقام ولما المصري يطلب 70 أو 80٪ من الأجنبي الناس تزعل وتقولك إزاي ؟؟
واستمر : المفروض أكون مقدر في بلدي بشكل أكبر
وأتم : لازم يكون فيه تضحية من الطرفين، لان زي ما اتكلمت على زيزو كويس ، فالزمالك برده اللى عمل زيزو وساعده.
