علق حازم إمام نجم الزمالك السابق، على الأجواء داخل القلعة البيضاء بعد رحيل البرتغالي جوزيه جوميز.
وقال حازم إمام عبر راديو “أون سبورت إف إم”: “الزمالك في مشكلة حاليا بعد رحيل جوميز وإنه بيشوف بديل له، الزمالك بيدور على مدرب يكون درب في الدوري وعلى درايه والخيار هيبقى لمدرب مصري و لو جيت بصيت على الساحة، طارق مصطفى بيدرب البنك ومؤمن سليمان في ليبيا وعنده شرط جزائي ثلاث شهور”.
وتابع: “الزمالك مستبعد فكره أنه يتعاقد مع أي مدرب ماسك فريق حاليا وعنده شرط جزائي لان في ناس بتقول معيين الشعباني وغيره، الزمالك مش بيفكر في كده”.
وأضاف: “حتى الأجانب الزمالك بيشوف لو في مدرب يجيي بس يقبض راتبه بالمصري وعلى فكره في اسمين ممكن يوافقوا على كده”.
وأردف: “ناس بتقول هاتوا كيروش طبعا هو اسم كبير بس راتبه معدي 100 ألف دولار.. أنت جوميز كان 65 الف ومعرفتش تدفعله مستحقات شهريين هتدفع لكيروش إزاي”.
واستكمل: “الزمالك مقبل على مباراة مهمه أمام المصري هيقودها أحمد مجدي مع حازم إمام وعماد المندوه بشكل مؤقت لحين إتمام التعاقد مع مدرب جديد”.
واختتم: “الأزمة المالية في الزمالك تعوق فكره المدرب الأجنبي بسبب المرتبات وناس بتقول بيسيرو أو كوبر أو كيروش كل دي اسماء محتاجه دولارات فهل حد منهم يقبل ياخد بالمصري … خلينا نشوف”.
