انتقد عصام الحضري تصرف مصطفى شوبير في لقطة الهدف الذي استقبله منتخب مصر أمام جنوب أفريقيا، معتبرًا أن حارس المرمى خرج من مرماه مبكرًا ثم حاول مراوغة المهاجم بدل إبعاد الكرة.
انتقاد الخروج والمراوغة
وقال الحضري في الاستوديو التحليلي: «هو أولًا هنا شوبير طالع بدري أوي.. أوي.. أوي!» وأضاف معترضًا على محاولة المراوغة: «آه، هو واخد قرار من الأول.. ليه بترقّص؟ ليه عايز ترقّص؟ ما ينفعش! ما ينفعش في الحاجات دي، طالما أنت طلعت واخدت القرار خلاص، الكورة طبت قدامك من هنا لازم تشيلها من هنا!»
وأشار الحضري إلى أن حسام عبد المجيد كان يمكنه التعامل مع اللاعب رقم 23 وإيقافه، موضحًا: «كان ممكن حسام عبد المجيد يتعامل مع اللاعب رقم 23 ويوقفه، وكان هو يبقى آخر واحد، وحتى لو عدى من حسام عبد المجيد، كان هو ممكن يلعب على الكورة التانية».
نصيحة لمصطفى شوبير
وأكد الحضري أن أخطاء حراس المرمى واردة، لكنه يأمل ألا يتكرر الخطأ، وقال: «طبعًا الأخطاء حصلت وهتحصل لسه يا كابتن كتير، بس اللي أنا بتمناه: طول ما حارس المرمى في [غير واضح] مع واحد من خط الدفاع، حارس المرمى أتمنى إن هو ميطلعش!»
واختتم الحضري تعليقه بالتأكيد على أن لقطة شوبير كانت خطأً، مطالبًا إياه بالهدوء وعدم التسرع: «أما هو خطأ؟ أكيد خطأ، ونتمنى إنه ما يتكررش»؛ وأضاف: «وأتمنى من شوبير لما في الحاجات دي لازم يكون عنده هدوء، ما يستعجلش وياخد القرار المتسرع».
