مفاجأة هاني حتحوت يكشف عن العقوبات المتوقعة على جمهوري الزمالك و الأهلي بسبب القمة

أزمة جماهير الاهلي و الزمالك في القمة و العقوبات المتوقعة .

تحدث الإعلامي هاني حتحوت عبر برنامج الماتش على قناة صدى البلد عن الأزمة و قال : صحيت النهارده على كم رسائل في كل الحسابات ، افتح الاقي الناس بعتالي تقولي أنت فين ياحتحوت من عقوبات الرابطة وشتيمة إمام عاشور؟

و أضاف : في نفس التوقيت كله اتبعت قولت كويس دي فرصه نسأل الرابطة ونفهم التفاصيل لأننا شوفنا فيديوهات شتائم من الجمهور ده وده هنا وهناك بين الجماهير وده طبعا غلط

و أردف : لما سألنا الرابطة كيف تفكر في الفيديوهات دي اتقال وفق تقرير حكم المباراة ومراقب المباراة

و أشار : هل التقارير وصلت؟ لسه لان الرابطه بتجتمع قبل انطلاق الجوله السادسه عشر اللي هتبدا الاربعاء وده هيحصل بكره ويصدر العقوبات كما هو متبع كل جوله

و أوضح : ما يعلمه البرنامج بما أن الناس بتسأل.. فالقرار هيكون معاقبه الجماهير التي حضرت في القمة

و أتم : معاقبة جماهير الأهلي التي حضرت في الدرجة الثالثة اللي هما تقريبا 13 ألف بإيقافهم مباراة واحده ، لكن الزمالك هيتحرم من جماهيره وهتكون العقوبة مباراتين بدون جماهير اللي هما زد وإنبي وده بسبب انها السباب الجماعي اتكرر للمره الرابعة الموسم ده