أكد الإعلامي أحمد حسام ميدو، نجم نادي الزمالك السابق، على الدور المحوري الذي يلعبه الأستاذ ممدوح عباس، الرئيس الشرفي للنادي، في دعم القلعة البيضاء على كافة الأصعدة.
وأوضح ميدو، خلال برنامجه “أوضة اللبس” المذاع عبر فضائية “النهار”:” الحقيقة امبارح الأستاذ ممدوح عباس عمل يعني تغريدة وتويتة الناس اختلفت عليها وعملت لغط كبير جداً رغم وضوحها يعني بالنسبة لي، يعني الموضوع بالنسبة لي واضح بشكل كبير جداً”.
و أردف:” الأستاذ ممدوح عباس أنتم عارفين إنه هو الرئيس الشرفي لنادي الزمالك ورجل يعني ليه دور بارز ودور كبير جداً في كل الأوقات مع نادي الزمالك، ودعم غير محدود من الأستاذ ممدوح عباس طبعاً للفريق والموظفين في النادي”.
وأشار ميدو: “يعني الأستاذ ممدوح عباس بصراحة يعني اللي بيعمله مع نادي الزمالك يستحق إن هو يتعمل له تمثال جوه نادي الزمالك ودي حقيقة، يعني أنا شفت حاجات وشفت الموضوع مش موضوع فلوس بس، موضوع إن دايماً في كل المواقف أول واحد واقف مع الناس كلها على المستوى الشخصي، على المستوى الإنساني، على مستوى دعم الفريق طبعاً بشكل كبير جداً ومجلس الإدارة”.
و شدد:” وجمهور الزمالك ابتدى يفهم، جمهور الزمالك ابتدى يعرف مين اللي ليه أدوار حقيقية جوه النادي، مين الزملكاوي بحق وحقيقي. فلو جبنا اللي ممدوح عباس بيعمله لنادي الزمالك لسنوات -في فترة طبعاً كان فيه خلاف مع المستشار مرتضى وكل الكلام ده- لكن خلال تواجده جوه نادي الزمالك لازم يتعمل له تمثال جوه النادي”.
وأختتم:” أنا بقول لكم من كلام أنا شفته يعني، وأنا مش محتاج الحمد لله حاجة من حد عشان أقول الكلام ده، لكن دي حقيقة لازم كل الزملكاوية يعرفوها”.
