أحرج أحمد سليمان، عضو مجلس إدارة الزمالك، الإعلامي مهيب عبد الهادي، على الهواء بسبب حديثه عن ضرورة تقارب مجلس الفارس الأبيض وتنحي الخلافات.
وقال سليمان، خلال تصريحات تليفزيونية ببرنامج “اللعيب”، عبر قناة “mbc مصر”:” مبروك لنا ولمصر، كلنا كنا مشدودين وعارفين ان بلوزداد بيلعبوا كويس- وخاصة خارج ارضه، وكنت قلقان، في ناس بتنفعل وهم بيتفرجوا زي انا و حسام المندوة ومحمد طارق وعمرو ادهم وفي ناس هاديه “.
وردا على سؤال مهيب عبد الهادي:” المكسب مش بيقربكم كمجلس من بعض؟:” انت بتسأل اسئله غريبه جدا، المكسب ده لمجلس ادارة ولا ادارة ولعيبه وجماهير؟ المكسب طبيعي بيقرب الكل من بعض، ومش فاهم السؤال”.
و أكمل سليمان:” هل في مشكله شوفتوها؟ مفيش أي مشكلة زي ما بيتقال، كلنا كنا موجودين وشوفنا بنفسنا، وكان فيه رموز كبيرة للنادي في المدرجات زي ممدوح عباس وحسن شحاتة ومحمود عبد الرازق شيكابالا وأحمد حسام ميدو وحازم إمام
وأشار:” الجمهور كان ليه دور كبير جداً، وحتى اللي بره الاستاد كانوا أكتر من اللي دخلوا، لأن الحضور كان بنسبة حوالي 30% بس، بعرف الكلام ده من الأسئلة عن التذاكر، كم الناس اللي تواصلت معايا علشان التذاكر كبيرة جدا، الكل عايز يحضر وحاولنا مع الجهات لزيادة العدد ومشكورا تم ورغم كده كان في اعداد كبيرة بره”.
وأختتم: “الزمالك بيمثل الكرة المصرية بشكل مشرف، ونتمنى يكمّل المشوار للنهاية ونتوج بالبطولة، بدعو كابتن إكرامي الشحات يحضر النهائي، ونبص دايماً للعلاقات الطيبة بين الرموز، زي العلاقة بين حسن شحاتة ومحمود الخطيب”.
