إشادة رائعة من إبراهيم فايق بالزمالك وجماهيره بعد التأهل لنهائي الكونفدرالية.. “المستحيل ليس زملكاوي”
تغنى الإعلامي إبراهيم فايق، بالزمالك وجماهيره ومجلس إدارته بعد التأهل لنهائي الكونفدرالية، بعد تخطي عقبة شباب بلوزداد الجزائري.
وقال فايق، خلال تصريحات تليفزيونية ببرنامج “قهوة فايق”، عبر قناة “mbc مصر 2″:” امسيه بطعم وفوز ملوك الفن والهندسه وطعم الزمالك الذي خاض شبه مستحيل، والمستحيل مش زملكاوي، المستحيل امام الزمالك ممكن، وفاضل على الحلو تكه وفصلين والفصل التاني نهائي الكونفدراليه يكون الفصل الافضل ويفوز بالبطوله”.
وتابع: “عظمة المشهد ليس له علاقه برحله الزمالك الموسم ده، لانه رحلته بتأسس في كرة القدم وفيما بعد ومهما كان عندي صعوبات و اموري مش احسن حاجه وتخبطات ومهما عانيت وقرارات غلط بس انا رجل وجدع وبقاتل على النصف وربع فرصه، بس انا عندي جمهور بيحرك الصخر وعارف ان الموضوع بعيد بس واقف معك”.
وواصل فايق:” الجمهور العنصر الغير المستفيد في المنظومة، لكنه مع الزمالك بيمثل قوه للزمالك، في وقت مفيش بنزين مفيش معك فلوس وعندي 14 مليون قضيه، مين عرف يملي العربيه بنزين وهي فاضيه؟، الجمهور طول الوقت في ضهر الفريق هو المحرك العظيم لقاطرة الزمالك بما فيها من صعوبات هم مش عايزين حاجه خالص انا جاي في ضهرك ومعك جايز الناس حاطه ايدها على قلوبها بس ربك مش هيرجعهم زعلانين ممكن مش احسن اداء بس بتاخد المكافأة على السعي والاجتهاد”.
وأشار:” العراقيل كانت تخص الزمالك ولكن قدر يتغلب عليها التاهل ليس مهم للزمالك فقط علشان الجيل ده، ولا علشان الزمالك يستحق هو مهم علشان كل الاجيال، هيتحكي لهم في موسم عاش الزمالك احلك واصعب الظروف ومهم علشان توصل للي طالع عنده رصيد مرجعية الانديه الكبيره بعظمتها واسمها بيتعمل بالرصيد والمرجعية ويبص عليه اللي بعدي”.
و اردف فايق: “انت بتكلم علي السرديه بتحطها للي جاي وجمهور جاي الزمالك حقه ومتعة الكره فيها جزء لحظي واكافئ نفسي لوصولي للنهائي وهافرح لكن هاقفل الصفحه بكره علشان لسه ماخدتش البطولة، ولازم تفتخر بناديك وكابتن معتمد جمال وتشد على ايده، وتفخر بالادارة وتنتقد بس في فرق ان انتقدك طول الطريق ولما تكسب لازم تاخد حقك من الاشاده ولو حصل العكس يبقى لي غرض”.
و أضاف:” لما تكسب هعطيك حقك ولو تغلط هنتقدك، الزمالك يستحق، رجوله اللعيبه مش وليده الصدفه هم وجود في دعم جماهيرهم، معسكر الزمالك حلو وفريش وتحسهم معندهمش ازمة ماليه وواخدينها خطوه بخطوه، والنجاح سيتحول لاعجاز اذا فاز بالكونفدرالية”.
وزاد: “يستحق اللاعبين والجهاز الفني والادارة وحسين لبيب كل التحيه والتقدير وجون ادوارد زي ما تم الهجوم عليه ده محسوب له وقبل كل دول في تاج يتشال على الراس وهم الجمهور”
وأختتم: “إن شاء الله البطولة تكون زملكاوية، شوفتوا الدخله والجمهور جمهور الزمالك جوه ستاد القاهرة مرعب ومينفعش يخرجوا زعلانين”.
