المشرف على الكرة بالمقاولون: ” اتمنى فوز الزمالك بالدوري لانه درس للي بيجري ورا الفلوس”
أكد. محمد عادل، المشرف العام علي الكرة بالمقاولون العرب،، أنه يتمنى فوز الزمالك ببطولة الدوري المصري ليكون درس للجميع ومن يلهثون خلف الاموال.
وقال عادل خلال مداخله هاتفية مع الإعلامي هاني حتحوت عبر برنامج “مودرن سبورتس”على قناة مودرن” ردا على سؤال الأخير “بشمهندس محمد عادل، شايف إزاي صراع المنافسة على اللقب بين الزمالك وبيراميدز والأهلي؟ اللقب يروح فين في الآخر؟”.” عايز الصراحة؟ كالعادة ولو إن جماهير الأهلي هتزعل مني، أنا عايز الدوري يروح الزمالك.. ليه؟”.
وواصل:” أقولك ليه.. أنا بعتبر ده درس للناس اللي بتجري ورا الفلوس ومبتجريش ورا إنه يعمل اللي عليه الأول، ده كلام واضح وموجه لكل الأندية واللاعبين؛ اتعب واعمل اللي عليك وبعدين الفلوس هتيجي”.
وأضاف عادل:” اللي حاصل السنة دي إن فيه ناس معاها فلوس ولكن لم تؤدي بالواجب اللي عليها وبقيمة الفلوس اللي هي خدتها”.
وأجاب على سؤل:” طيب انت استبعدت بيراميدز ليه؟ أنا فهمت فكره انك بترمي على لعيبه الأهلي؟:” أنا شخصياً مقتنع بتجربة الزمالك الحالية، الأهلي بقى فيه فلوس وبيراميدز فيه فلوس .. كله خلاص شبع، يتعب ويعرق ليه؟ “.
وتابع:” لكن التجربة اللي بتقول إن لعيبة نادي بكل الظروف اللي مر بيها وبكل الكلام ده كله، أنا شخصياً بحترمهم ونفسي التجربة تنجح
، نفسي التجربه تنجح علشان الناس تستوعب: اعمل اللي عليك وبعد كده المادة هتيجي هتيجي”.
واختتم:” نفسي تبقى دي رسالة للجميع، منتخانقش على الفلوس وخلاص ومنعملش (مجهود).. هي دي الرسالة”.
