بعد الفوز بكاس مصر للسلة.. هشام نصر يكشف خطة مجلس الزمالك لتطوير الفرق الرياضية وتجاوز الأزمات المالية
أكد المهندس هشام نصر، نائب رئيس مجلس إدارة نادي الزمالك، أن التتويج بلقب كأس مصر لكرة السلة يمثل “فتحة خير” وبداية قوية لعودة البطولات داخل القلعة البيضاء في مختلف الألعاب الرياضية، مشيراً إلى أن هذا الإنجاز سيكون حافزاً كبيراً لفرق كرة القدم وكرة اليد لتحقيق المزيد من النجاحات.
وقال نصر، خلال مداخلة هاتفية ببرنامج زملكاوي عبر قناة الزمالك: ” أنا من أول يوم تهيأ لي دخلت فيه في مجلس الإدارة كنت عارف بالضبط إيه الوضع بتاع الفرق في ألعاب الصالات بصفة عامة، ووعدت الناس ببنى الفريق اللي بياخد مراحل، وكمان الضائقة المالية الصعبة جداً اللي بتخلي الوقت يطول شوية”.
وتابع: “أنا عارف جماهير الزمالك وأنا زيهم ببقى زعلان من خسارة أي بطولة، ولهم حق إن هم يزعلوا.”
ومن جانبه تدخل الإهلامي محمد عبد الجليل قائلا: “إن شاء الله إنجاز الباسكت النهاردة وبطولة الكاس تكر بقى تبقى هي فتحة الخير إن شاء الله على فرقة القدم ولسه كمان كاس مصر أعتقد في الهاند بول يعني لسه ربنا حافز لكل الألعاب إن شاء الله. باشمهندس عندنا فرقتين [00:16] أفضل فرقتين الموسم دوت إذا كان فرقة القدم أو فرقة الباسكت بقيادة فنية وطنية من أبناء الزمالك إذا كان معتمد [00:23] جمال في القدم ووائل بدر في الباسكت، ده يدينا ملمح لشيء معين؟”
ليرد نصر: “والله كل لعبة وليها ظروفها وليها إمكانيتها،إحنا عندنا كوادر في كل الألعاب حتى بما فيها كرة القدم، أنا يعني عايز أقول إن شاء الله إن شاء الله يعني عندي رغبة أنا بعد ما طلعت رئاسة البعثة تشرفت بيها المرة اللي فاتت لازم نشتغل على ولادنا”.
و أردف:” يعني إيه المانع إن أنا أطلع كابتن معتمد جمال ومعاه حد تاني من أبناء نادي الزمالك معايشة بره ونطورهم ويبقوا على أحدث يعني نستثمر في ولاد نادي الزمالك، لازم يبقوا مؤهلين كويس جداً ويبقوا على دراية بأحدث الطرق نستثمر في ولادنا نقوم نلاقي النتيجة بعد كده إن شاء الله في كل الألعاب.”
وشدد نصر: “لكن ما بنفقدش الأمل وبنرجع نبني من أول وجديد لحد ما نوصل إن شاء الله للنهاردة، دي بعتبرها بداية خطوة هنكمل إن شاء الله تاني ونكمل النواقص ونكمل بنى في كل الألعاب، وده لو أنت لاحظت اللي بيقوم بيه فريق الكورة تحت قيادة جون إدوارد، صحيح بيبني فرقة جديدة بسكواد جديد، كانت الناس في الأول كلها مش راضية وزعلانة لكن دلوقتي إيه النتيجة؟”.
وواصل:” عندك قوام فريق محترم بمدرب محترم بجهاز فني وإداري محترم، كل الناس بتلتف حواليها، شفت الجماهير عاملة إزاي في في الماتش الأخير، كل اللي أنا قلته لك ده وراه مجلس إدارة صامت بيشتغل ليل ونهار علشان يحقق على الأقل الحد الأدنى من الاستبيليتي وأوضة اللبس والحفاظ عليها والهدوء بتاعها و و لحد ما ربنا أكيد بيكرمنا إن شاء الله، ربنا يسر ونحقق بطولة، إحنا لغاية دلوقتي لسه ما حققناش بطولة، إحنا في طريقنا لتحقيق بطولة إن شاء الله.”
