اوضح حسام المندوة، أمين صندوق الزمالك، مستجدات أزمات الفارس الابيض المتعلقة بإيقاف القيد وكذلك قضية لاعب الأهلي احمد سيد زيزو.
و أضاف المندوة،خلال تقريحات تليفزيونية ردا علي سؤال ماهي اخر تطورات أزمة القيد والتسوية؟: “الموضوع قانوني وفيه تواصل موجود حالياً مع اللاعبين والأندية اللي ليها حقوق عشان يكون فيه تسوية”.
وقال:” مش عاوزين نتكلم في أي شيء غير ماتش بيراميدز في الدوري وبعده الكونفدرالية، دول ماتشين مهمين جداً عشان ناخد البطولة اللي تجيب لنا مبلغ كبير والدوري يودينا للشامبيونز ليج (دوري الأبطال)”.
وشدد المندوة:’فيه اتجاه حالياً لإنهاء المشاكل، واستقرارك الإداري بيديك أدوات تفاوض أقوى”.
وواصل:” إحنا حالياً في تفاوض وتواصل مع الكثير من القضايا المطروحة، سواء على المستوى القانوني أو التفاوضي في طريقة السداد”.
و أجاب المندوة على سؤال تقدر توعد جمهور الزمالك إن القيد هيتفتح قبل بداية الموسم؟:” لازم نحل مشكلة القيد ما فيش فيها شك، والحل هو توفير فلوس”.
وزاد:” الأبليكيشن (التطبيق) اللي طلع لسه في البث التجريبي ومن أهدافه تحقيق عوائد مالية، المسؤولين عن ملف القضايا الدولية هيطلعوا في وقت قريب يحكوا بالتفصيل إحنا خلصنا إيه وفضل لنا إيه”.
وبشأن شكوى الزمالك ضد زيزو (أو أزمة زيزو) وصلت لفين؟ أكد المندوة:” القانونيين عندنا ماسكين الملف بشكل كويس المستندات موجودة وما يثبت أحقية الزمالك موجود، وإن شاء الله الدنيا مطمئنة احنا عايزين تركيزنا يكون مع الفريق والمباريات القادمة بعيدا عن أي ملفات اخرى “.
وأختتم ردا على سؤال طارق حامد بعد اعتزاله هل هيكون له دور داخل النادي؟:” أنا مسمعتش بشكل شخصي عن قرار اعتزاله، لكن طارق حامد لو القرار صحيح طبعاً لازم نتواصل معاه وهيكون ليه دور كبير لأنه رمز من رموز النادي”.
