نفى ماهر غريب، مدير إدارة الإعلام بنادي الزمالك، جملةً وتفصيلاً الأنباء التي ترددت حول وقوع مشادات أو “خناقات” داخل اجتماع مجلس إدارة النادي برئاسة الكابتن حسين لبيب، مؤكداً أن كل ما أثير في هذا الشأن لا أساس له من الصحة.
و قال غريب في تصريحات أدلى بها عبر برنامج “مودرن سبورتس” على قناة “مودرن”:” النهارده كان في إجتماع لإدارة النادي برئاسة كابتن حسين لبيب ومشي بمنتهى السلاسة وبمنتهى النظام، واكيد بيبقى في اراء مختلفه وده الشئ الإيجابي انك تسمع كل الاراء “.
وتابع:” لكن هل يعقل أن تخرج اخبار أن حصل مشادة وخناقه وغلق غرف والمبنى .. كل الكلام ده لم يحدث إطلاقا’.
وواصل غريب:” هو مجلس الإدارة هيجتمع في مبنى مفتوح .. هل باب الغرفه كان مفتوح ولما حصل مشكله قام قفل الباب، أنا بقولك معلومة مسؤول فيها عن كلامي .. لم يخرج اي عضو مجلس إدارة من غرفه الإجتماع طوال الساعتين أو ساعتين وربع كمان”.
وشدد:” مش معقول في كل مباراة مهمة لنادي الزمالك.. تخرج أخبار غلط ضد النادي بالشكل ده .. لك الله يا زمالك والله”.
وأضاف غريب:” من حق أي صحفي وإعلامي يجتهد في الأخبار.. لكن هل الخبر حقيقي أصلا ؟ مفيش اي حاجه من اللي انتشرت النهارده حصلت .. بل إن النهارده اتاخدت قرارات إيجابية جدا من مجلس إدارة نادي الزمالك”.
و أكمل:” حد هيقولك ليه طيب اعلام الزمالك ميطلعش الاخبار أو القرارات اللي طلعت من الجلسه!؟ دي بيكون ليها ترتيبات خاصة وممكن يكون في وقت معين بيعلن فيها بشكل معين”.
وأختتم:” الاستاذ هاني برزي والاستاذ محمد طارق اللي غابوا عن الاجتماع النهارده.. لظروف خاصه والباقي كله كان حاضر ومكنش في اي مشكله حصلت وكانت بوجود كابتن حسين لبيب”.
