كشف الإعلامي أحمد شوبير عن تطورات مثيرة في أزمة مستحقات أحمد سيد “زيزو” لاعب الأهلي، مع نادي الزمالك، وموعد عقد جلسة شئون اللاعبين.
وقال شوبير، في تصريحات تليفزيونية ببرنامج “الناظر”، عبر قناة “النهار”:” خلينا نقول إنها مواجهة ما بين الزمالك وزيزو في اتحاد كرة القدم المصري. من داخل اتحاد الكرة سألنا عن حقيقة انعقاد لجنة شؤون اللاعبين بكرة من أجل إصدار قرار في خصوص قصة الزمالك وزيزو، هل الزمالك يتغرم؟ هل زيزو اللي هيتغرم؟ القصة شكلها عاملة إزاي؟ “.
وواصل:” موضوع مستحقات زيزو المتأخرة لدى القلعة البيضاء اللي بيشكي فيها زيزو نادي الزمالك، المصدر قال لنا أول مفاجأة إنه ما فيش جلسات بكرة، بكرة لجنة شؤون اللاعبين نعم ما فيش جلسات بكرة. طب الجلسة ميعادها إمتى؟ الجلسة ميعادها يوم الثلاثاء، ليس الأحد ولكن الثلاثاء”.
و تابع شوبير: “وقال لنا كمان إنه غالباً مش هيصدر قرار نهائي يوم الثلاثاء، لإنه الزمالك عاد وتقدم بمذكرة جديدة بيقول إنه هيقدم مستندات تدعم موقفه وبتثبت حقوقه في تغريم زيزو 25 مليون جنيه لنظير إعلانات وظهور تلفزيوني”.
وشدد:” عندي تفاصيل الإعلانات والظهور التلفزيوني عندي بالكامل يعني، والحقيقة لحد امبارح الزمالك ما عندوش مستندات، لحد امبارح اللي هو امبارح يعني، وإنه الإعلانات دي كانت ما بعدها انتقاله إلى النادي الأهلي، لكنه الزمالك قال لهم أنا عندي، فاللجنة قالت لهم طب قدموا المستندات عشان ننظر فيها وبالتالي مش هتكون هناك قرارات يوم الثلاثاء”.
وأشار شوبير: ” مصدر مقرب من زيزو، مصدر مقرب جداً جداً جداً من زيزو، قال إن هم عندهم تأكيد بأحقيتهم في غرامة مالية على نادي الزمالك، بس هنا قل الرقم بقى، بعد ما كان بيتقال 80 قالوا من 50 لـ 60 مليون جنيه، والكلام ده من 25 أكتوبر 2025، وإنه بيقولوا إن القصة بالنسبة لنا محسومة تماماً يعني”.
و اكمل: “طيب يا سيدي لو حصل وإنك ما أخدتش حكم يعني؟ قال لك الأمر بسيط جداً، هنروح للمحكمة الدولية ومن أول جلسة هيتم الحصول على حقوقنا، إذا صدر القرار من اتحاد الكورة ولم يلتزم الزمالك بالسداد أو إذا صدر قرار ما كانش على رغبتنا”.
وزاد شوبير:” إذاً قصة إنه الموضوع هيتعمل بشكل إنه لا ده لزيزو لا ده لنادي الزمالك، ما حدش يعرف، كل طرف بيقول كان عندي ما يثبت، الزمالك قال لك لا اصبر ده في مستندات جديدة ظهرت”.
وأتم:” فاللجنة اللي موجودة قالت هنستنى شوية، وأنا هنا أرجو سرعة اتخاذ القرار لإنه الدنيا ما بقتش حلوة في التطويل والمط ده مش حلو، عندك قرار قول ده لصالح زيزو وده لصالح نادي الزمالك والسلام عليكم ورحمة الله وبركاته.”
