وجه الإعلامي مدحت شلبي، انتقادات لاذعة للسياسة الإعلامية داخل النادي الأهلي ولجمال جبر بسبب كثرة البيانات التي يصدرها الأحمر.
وقال شلبي، في تصريحات تليفزيونية ببرنامج “يا مساء الأنوار”،عبر قناة “mbc مصر 2″:” يا جماعة إحنا من شهر واحد بس لغاية النهاردة، قدامي أهي البيانات، كم بيانات يا جماعة النادي الأهلي عمل؟ 11 بيان في شهر! يعني تخيلوا إحنا زمان لما الأهلي ده يقول لك “في بيان هيصدر بعد قليل دي الدنيا كلها بتستنى النادي الأهلي هيقول إيه”.
وتابع: “وممكن السنة كلها تعدي ما يطلعش بيانين تلاتة النهاردة شهر واحد 11 بيان! 11 بيان! لازم تراجعوا يا جماعة -ما أقصدش إطلاقاً أقلل من حد والله- لكن راجعوا المنظومة الإعلامية”
وأشار شلبي: ” والصديق الغالي الأستاذ جمال جبر ميزعلش من كلامي ده، لأنه ده النادي الأهلي”.
وأتم:’ لما النادي الأهلي يصدر بيان يبقى الدنيا كلها مستنية البيان، لكن مش ممكن كل شوية، بقول لحضراتكم 30 يوم فيهم 11 بيان يعني يومين والتالت بيان، يومين والتالت بيان.. مش ممكن ده مش معقول على الإطلاق”.
