مدحت شلبي يكشف كواليس واقعة الشناوي مع الحكم المساعد في مباراة سيراميكا ويطالب بهذا الأمر
كشف الإعلامي مدحت شلبي،كواليس واقعة محمد الشناوي،حارس مرمى الأهلي مع الحكم المساعد في مباراة سيراميكا،التي تسبب في إيقاف اللاعب 4 مباريات.
وقال شلبي،في تصريحات تليفزيونية ببرنامج يا مساء الأنوار،عبر قناة “mbc مصر 2″:” كلمة للحق خاصه بالشناوي تواصلت مع مجموعه مع اللي كانوا موجودين وقت واقعة مباراة الأهلي و سيراميكا، قالولي ان سيد عبد الحفيظ مد ايده علشان يسلم على محمود وفا، والحكم رفض يسلم لانه مش عارف هيحصل ابه”.
و تابع: ” لكن الشناوي لا يستحق الايقاف، لان وفقا لشهود العيان وبقول كلمة حق، الحكم قال في تقريره انه اخد انذار اول و تاني للاعتراض، و الشناوي وهو بيمد ايد علشان يوصل للحكم حد زق ايده جت في المساعد،، والحكم المساعد محسش، بها بعدها المساعد شاف الفيديوهات فكتب تقرير وقال اضربت من الشناوي”.
وأكمل شلبي: “المراقب فوق مشافش، بتوجه للجنة التظلمات وبقولهم الشناوي برئ براءة كاملة، ولا يستحق إلا الايقاف مباراة واحده للطرد”.
وأختتم:” كان في اجتماع بالاهلي مراحش كابتن خطيب و 2 اعضاء وانقلبت لجلسة وديه، واتحاد الكرة اجل اجتماعه للجمعة، هو كل واحد مستني التاني يعمل ايه وده توقعي، سألت هل احيل كابتن سيد عبدالحفيظ للجنة الانضباط، اتصور لا”.
