لقن الإعلامي مدحت شلبي، سيد عبد الحفيظ، عضو مجلس إدارة الأهلي درسا قاسيًا،، بعد أحداث مباراة الأحمر أمام سيراميكا، وجلسة استماع الڤار في اتحاد الكرة.
وقال شلبي، خلال تصريحات تليفزيونية ببرنامج “يا مساء الأنوار”، عبر قناة “mbc مصر 2″:” اللي بيحصل عبث بكل ما تحمله من معنى، من غير المعقول ان ضربة جزاء حتى لو في مباريات مهمه حتى لو اعتبرنها ضربة جزاء هل يستمر معنا كل المده، دي بدأت الاستديوهات العربية بيقولوا ايه الي بيحصل في الكرة المصرية”.
وتابع: “قولت في دروس مستفاده بكرر كل اللي حصل اثاره ماهو إلا إثارة للراي العام الاهلاوي علشان نأخذه في اتجاه تاني، وقولت مش عيب نغلط بس من غير المعقول نغطي الاخطاء بهذه الطريقه و ناخد الناس في سكه تانيه علشان ينسوا اخطائك”.
وشدد شلبي:” قولنا في تفاوت في العقود بالاهلي بين اللاعبين، هل ده امام عاشور؟ من جواه بيفكر في الملايين اللي المفروض ياخدها قولنا العقود لا يمكن تكون بهذا التفاوت، ولا شروط عقد المدرب تكون بهذه الامور مش جايب انا جورديولا، وبتكلم على الاهلي ومينفعش يدفع ملايين الدولارات لللعيبه معارة وبيعمل كل ده تمويه علي اخطاءه”.
وواصل: “كلمتين لسيد عبدالحفيظ قولت دي سابقه ان عضو مجلس ادارة الاهلي ينزل من المقصورة.و يروح للحكم وايه نيته معرفش شوفناه وهو مدير كره كتير بيعترض، ووفقا لشهود عيان الحكم رفض يسلم عليه بعد ما كد له ايده، هل عضو مجلس ادارة الاهلي يتعمل معه كده”.
و أردف شلبي:” ثم يقود مجموعة علشان يروحوا اتحاد الكرة وهيلمان ةعربية واتحاد الكره قال لازم اللي يروح يكون بني وله كارنيه، بصرف النظر هيسمعوا ايه في الفار؟ مش هيسمعوا ام كلثو، مش هيسمع حاجه يعني، مش هيجي الحكم وفا ويقوله احسبها ضربة جزاء نكايه في الاهلي هو برنامج ما يطلبه المستمعون”.
وأشار:” هو اكشن علشان نعمل غبار، الادهى من كده يا كابتن سيد يا عضو مجلس ادارة الاهلي روحت وانت عارف ان الاتحاد قال محدش هيدخل مالوش صفه فنيه، طيب رايح ليه رايح ليه؟ علشان شو اعلامي علشان تزود الغبار على الاخطاء”.
وزاد شلبي: “المصيبه والطامة الكبرى ان رايح بالمجموعه وعارف لن يسمح لك بالدخول، و المشاهده ماذا لو جيت تدخل افراد الامن منعوك وزقوك وانت عضو مجلس ادارة الاهلي، الناس اللي عندك صعب عليه الموقف وحصلت خناقه وبقت فتنه يا كابتن سيد، انت عارف كل حاجه تتصور ووارد ده يحصل لولا الامن تحلي باقصى درجات الصبر والسلوك الصحيح كان ممكن تفتعل ازمة علشان تنتشر ويسيبوا المهم”.
واستطرد:” انت واخذ المركز الاعلامي كله معك اخشى ان ده يكون مقصود وان يحصل ازمه و تتصور وتبقى فتنه، وجمهور الاهلي هيبقى رد فعله ايه في المدرجات، يا كابتن سيد اتحدث لكابتن سبد ومسئولي الدولة هل البلد ناقصه فتنه يا كابتن سيد”.
و أضاف:” اليس فيكم رجل رشيد ياجماعه حافظوا على البلد و سمعتنا الكرويه والكرة المصريه، البرامج كلها تيارات رهيبه بين مدافع ومهاجم ليست هذه هي الكرة، الزمالك والاهلي هم سطوه على الكرة المصرية، يعني الجونة طلب وسموحه طلب اقترح على اتحاد الكرة يعمل كشك الفار وعليه فيزا”.
وأختتم:” ايه ياجماعه ده عاوز رجل رشيد يقولي ايه المتوقع في حوار الفار الرجل في الفار شايف في خطأ والتاني راح و شاف وقال عاديه، ايه الحوار اللي ممكن يكون موجود هتسمع حاجه تانيه غير انه قاله انها مش ضربة جزاء ولا متوقع ان وفا قاله جاي اخسر الاهلي بتضحكوا على مين ياجماعة”.
واتم:” يا كابتن سيد كنت مدير كره وكنت ملأ الابصار ولما الجمهور هتف باسمك شالوك، متبقاش انت كبش فدا، انت عضو مجلس ادارة الاهلي،، متحطش نفسك تحت ضغط انت برنس فوق ووليد صلاح يروح هو وفي النهايه انت لا هتسمع حاجه ولا اللي هيروح انت عضو مجلس ادارة الاهلي”.
