أعرب محمد عبد الكريم، المدرب العام لنادي سيراميكا كليوباترا، عن فخره بالنتائج التي حققها الفريق مؤخراً، مؤكداً أن حسم المركز الرابع في جدول ترتيب الدوري يعد إنجازاً تاريخياً يعكس حجم المجهود المبذول من الجهاز الفني واللاعبين
وقال عبد الكريم في تصريحات تلفزيونية عبر برنامج “اللعيب” على قناة “إم بي سي مصر”:” نقطة مهمة مع فريق كبير زي بيراميدز، كنا مضغوطين الفترة اللي فاتت، والحمد لله ربنا كافئنا بنقطة كانت سبب في حسم المركز الرابع”.
وواصل:” إن شاء الله هدير مباراة الزمالك الجاية بعد إيقاف كابتن علي ماهر، الزمالك نادي كبير زي الأهلي وسيراميكا، لكن الجهاز الفني عنده مبدأ واحد بس، اللعب على المكسب في اي مباراة “.
و أضاف عبد الكريم:” الحمد لله دي أول مرة نحط الفريق في المركز الرابع، وده إنجاز كبير بالنسبة لينا الموسم ده”.
و أشار:” ميزة مباراة الزمالك إننا اتحررنا من الضغط، وهندخل نلعب على الفوز، لأن الضغوط اللي كانت قبل كده أثرت علينا شوية، إن شاء الله نعمل مباراة كويسة، والنتيجة في الآخر بتاعت ربنا”.
وتابع عبد الكريم:” اللوائح بقالها 4 سنين بتدي فرصة المشاركة في أفريقيا للمركز الرابع، وإحنا حققنا هدفنا يا بطولة يا مركز رابع، كان في إيدينا نحقق مركز تالت، لكن حصل دروب في المستوى مع إصابات كتير أثرت علينا”.
وشدد:” بالنسبة للمكافآت بخصوص لقاء الزمالك؟ طبيعي أي نادي من فرق القمة بيبقى عنده لائحة ومكافآت كويسة للمباريات الكبيرة
اللعيبة عندها شخصية، وبتقدر تلعب ند لند قدام فرق كبيرة زي الزمالك والأهلي وبيراميدز، وده بييجي من شخصية الجهاز الفني”.
وأختتم: “بخصوص ثنائي الأهلي؟ إحنا بنطالب باستمرار عناصر مهمة زي عمر كمال وعبد الله لأنهم إضافة كبيرة للفريق”.
