بسبب الكونفدرالية.. ناصر منسي يفتح النار على ضغط المباريات القاتل ويكشف سر تسديده ركلات الترجيح
كشف ناصر منسي،لاعب الزمالك، عن كواليس الموسم الاستثنائي والشاق الذي عاشه الفارس الأبيض، وخاصة في الدوري وعبر عن حزنه لخسارة كأس الكونفدرالية.
وقال منسي،خلال تصريحات تليفزيونية ببرنامج “ملعب أون” عبر قناة “أون سبورت”:” إحنا تعبنا أوي الموسم ده بجد، ده أكثر موسم الواحد تعب فيه أوي في كرة القدم”.
و أشار:” إحنا كنا كل يومين تلاتة ماتش وبنسافر ونرجع، وإرهاق رهيب أوي مشوفتوش طول حياتي، وفي فرق كانت بتبقى مريحة وإحنا بنلعب علشان في الكونفدرالية”.
وأكد منسي:” زعلت أوي أوي بعد نهائي الكونفدرالية وقعدت يومين مش عارف أستوعب، لكن اتكلمنا مع بعض لازم نصالح الجمهور وناخد الدوري”.
و تابع: “أنا مش بسدد ضربات جزاء في أي فريق لعبت فيه في الماتش نفسه، مع الزمالك الحمدلله سددت في ركلات الترجيح بعد المباريات وربنا وفقني فيها، بس أنا بكون داخل فيها على الله ولله وربنا يكرم”.
وأكمل منسي:” بالنسبة ليا الدوري أهم من الكونفدرالية لأننا تعبنا فيه أوي طول الموسم ومشقة رهيبة ومنافسة ثلاثية لآخر جولة، فطعمه حلو”.
وأتم:” السنة دي كلها كانت ضغوطات علينا أوي بجد، ربنا كان عايز يبقى آخر مباراة هي النهاية وفيها الحاجة الحلوة”.
