“بعد إذن حسام حسن”.. إبراهيم حسن يخرج عن صمته ويفجر قنبلة “حجز طيران مصطفى محمد و التأشيرة ثم استعباده”!
تدخّل الكابتن إبراهيم حسن، مدير منتخب مصر الأول لكرة القدم، في المؤتمر الصحفي التاريخي عقب الفوز على روسيا، ليوضح للرأي العام والشارع الرياضي حقيقة إدارية غائبة أثارت جدلاً واسعاً عبر منصات السوشيال ميديا، والمتعلقة بملف استخراج التأشيرات وحجز تذاكر الطيران للاعبين الذين تم استبعادهم في نهاية المطاف من القائمة النهائية للمونديال.
واستهل مدير المنتخب حديثه طالباً الكلمة لتوضيح اللبس قائلًا: “بعد إذن حسام حسن بس عايز أوضح حاجة في فكرة الاختيارات وموضوع التأشيرات، علشان في ناس طلعت قعدت تقولك أصله حجزوا طيران وجابوه مصر وطلع التأشيرة وبعدين استبعد من القائمة! في ناس ممكن تكون مش فاهمة الصورة كاملة أو بتتكلم من غير ما يكون عندها كل التفاصيل، ولازم نفهم الناس لأن ده شغل إداري بحت”.
وشرح إبراهيم حسن التعقيدات الإدارية التي تواجه منظومة المنتخب مشدداً على أن الموضوع ليس بسيطاً ولا يمكن اختيار لاعب فجأة؛ لأن إجراءات السفر والتأشيرات تتطلب التجهيز قبل وقت طويل من انطلاق المعسكرات والبطولات الكبرى، كاشفاً عن رقم ضخم قائلًا: “إحنا بنتكلم عن حوالي 40 أو 50 لاعب كانوا ضمن قائمة خياراتنا العريضة، كلهم بلا استثناء لازم يخلصوا أوراق السفر والتأشيرات، سواء اللي جاي من جوه مصر أو من بره مصر، كله لازم يكون جاهز، وكلهم بالفعل طلعوا تأشيرة أمريكا وتأشيرة كندا”.
وعن كواليس تقليص العدد للرقم القانوني، أضاف: “في الآخر لازم تقفل القائمة وتحدد الأسماء النهائية اللي هما 26 اسم بس، ومينفعش تسيب الموضوع مفتوح؛ لأن لو حصلت إصابة لأي لاعب بعد كده مش هتعرف تضيف حد بسهولة، فلازم تبقى جاهز بكل البدائل والخيارات من بدري عشان لو حصل ظرف لأي لاعب تلاقي البديل الجاهز بأوراقه وتأشيرته”.
واختتم الكابتن إبراهيم حسن تصريحاته التوضيحية بالإشارة إلى القوانين الصارمة للاتحاد الدولي لكرة القدم والمواعيد المحددة لتقديم القوائم، مؤكداً أن إرسال القائمة المبدئية أولاً ثم النهائية هو نظام إلزامي مطبق على جميع منتخبات العالم، وأن المسألة برمتها تخضع لمعايير “التنظيم والالتزام الدقيق بالمواعيد، ومش مجرد اختيار لاعيبة بس في اللحظات الأخيرة”.
