كشف الإعلامي أحمد شوبير، حقيقة مفاوضات النادي الأهلي مع البرتغالي جوزيه جوميز المدير الفني الحالي لنادي الفتح، من أجل تولي القيادة الفنية للفريق خلال الفترة المقبلة، خلفا للدنماركي ييس توروب.
وكان البرتغالي جوزيه جوميز، المدير الفني لنادي الفتح السعودي، قد أشار في وقت سابق إلى وجود اتصالات من جانب الأهلي للتعاقد معه خلال الفترة المقبلة، من أجل تولي القيادة الفنية للفريق.
وقال شوبير، في تصريحات متلفزة عبر قناة “النهار”:” جوميز قال التصريحات دي ليه؟ هناك البعض المقرب من النادي الاهلي جس نبض وكيل جوميز انا بقول لك معلومه عشان حضراتكم تبقوا عارفين لكنه مفيش حد من اداره النادي الاهلي تواصل نهائيا مع جوميز “.
و أردف:” وزي ما قلت لكم يمكن السنه اللي فاتت كان جوميز في الحسابات اكتر لكنه السنه دي جوميز مش في حسابات النادي الاهلي والنادي الاهلي عمل اكس على اي حد له سابق علاقه بنادي الزمالك “.
وواصل شوبير:” الاهلي قال لك انا ما بتفاوضش دلوقتي ولسه بدري جدا ان انا اتفاوض مع ايا من المدربين احنا مش مستعجلين على الاطلاق واستغربوا كمان من تصريحات جوزيه جوميز “.
وأضاف:” في النادي الاهلي وده حصري مهم جدا يعلن غدا بعد غد خلال ايام عن تولي عصام سراج مديرا للتعاقدات في النادي الاهلي ليست اول مره هو كان مدير تعاقدات في الاهلي وبعدين واللي كان جابه كان الكابتن زيزو وبعدين راح وزاره الشباب والرياضه مسك مدير التسويق ثم الى اتحاد الكوره ثم يعود الى النادي الاهلي”.
وأختتم: “كمان انيس بوجلبان هيمسك اداره الاسكاوتنج وانيس الدكتور عصام من الشخصيات المحترمه وانيس كمان من الناس اللي جماهير النادي الاهلي بتثق فيهم فدول المركزين اللي خيوا في النادي الاهلي منصب مدير التعاقدات ومنصب مدير السكاوتنج بيتولاهم عصام سراج وانيس بوجلبان” .
