حرص ناصر منسي، مهاجم نادي الزمالك، على توجيه رسالة غير متوقعه للمنتقدين له ومن يطلقون تصريحات للهجوم عليه.
وقال منسي، خلال تصريحات تليفزيونية عبر قناة “أون سبورت”:” أي حد اتكلم عليّا بكلام وحش أنا مش زعلان منه، أنا قلبي طيب ومسامح أي حد اتكلم عني وقال عني أي حاجة، أنا عمري ما أشيل أو أزعل من حد”.
وأردف: “إحنا تعبنا أوي الموسم ده بجد، ده أكثر موسم الواحد تعب فيه أوي في كرة القدم، إحنا كنا كل يومين تلاتة ماتش وبنسافر ونرجع، وإرهاق رهيب أوي مشوفتوش طول حياتي، وفي فرق كانت بتبقى مريحة وإحنا بنلعب علشان في الكونفدرالية”.
واشار منسي:” زعلت أوي أوي بعد نهائي الكونفدرالية وقعدت يومين مش عارف أستوعب، لكن اتكلمنا مع بعض لازم نصالح الجمهور وناخد الدوري”.
وأكد:” أنا مش بسدد ضربات جزاء في أي فريق لعبت فيه في الماتش نفسه، مع الزمالك الحمدلله سددت في ركلات الترجيح بعد المباريات وربنا وفقني فيها، بس أنا بكون داخل فيها على الله ولله وربنا يكرم”.
وأختتم:” بالنسبة ليا الدوري أهم من الكونفدرالية لأننا تعبنا فيه أوي طول الموسم ومشقة رهيبة ومنافسة ثلاثية لآخر جولة، فطعمه حلو، السنة دي كلها كانت ضغوطات علينا أوي بجد، ربنا كان عايز يبقى آخر مباراة هي النهاية وفيها الحاجة الحلوة”.
