علق محمد عواد، حارس مرمى الفريق الأول لكرة القدم بنادي الزمالك على خسارة لقب الكونفدرالية الإفريقية أمام اتحاد العاصمة، وفشله في التصدي لأيا من ركلات الترجيح التي حسمت اللقاء.
وأضاف الإعلامي إبراهيم عبد الجواد ببرنامج “ملعب أون”عبر قناة” أون سبورت”: ” النهارده عندنا كثير من المعلومات الكاشفة عن كثير من المعلومات المغلوطة اللي اتقالت على مدار الـ48 ساعة اللي فاتت بعد خسارة الزمالك لنهائي الكونفدرالية الأفريقية”.
وتابع:” تاني حاجة، محمد عواد قال بالنص: أنا منمتش من ساعة لما الماتش خلص، أنا محروق دمي، عواد كان في حالة عصبية شديدة بسبب الجمهور وحزنه عليهم”.
وأشار نقلا عن عواد:” وقال أنا محروق دمي عشان الجماهير اللي شفناها، وكان نفسي أعمل أي حاجة وأموت نفسي عشان أفرحهم، اللي حارق دمي أكتر إن في تلات كرات أنا لامسهم بإيدي إن في أكتر من كرة كان قريب جدًا يتصدى لها”.
وشدد: “أنا كنت أقدر، بس ما كانش في توفيق، وأنا لمستهم وده اللي مخليني محروق دمي وإنه كان متوقع بعد الخسارة إن في ناس هتطلع تصطاد في المية العكرة”.
وأتم:” إحنا ما قدامناش غير إننا نرضي الجمهور ونصالحه في ماتش الأربعاء ونجيب الدوري لجماهير الزمالك”.
