علق محمد إسماعيل، مدافع فريق الزمالك على عدم إنضمامه لمنتخب مصر خلال بطولة كأس العالم القادمه. كاشفا عن السبب من وجهة نظره.
وقال إسماعيل، خلال تصريحات تليفزيونية عبر قناة “أون سبورت ماكس”: “هو أنا كدة كدة كنت عارف إن أنا مش هروح منتخب تاني.. مش بمعنى الأسباب، لأن ساعتها كان في فكرة الكابتن حسام حسن ما اعتمدش عليا بشكل كبير. فطبيعي لما يعتمد على حد في نص الملعب وحسام عبد المجيد وعملوا. أداء قوي جداً فطبيعي الموضوع هيكون صعب بعد كدة، وغير كدة عبد المنعم رجع فالموضوع هيكون صعب بالنسبة لي”.
و أضاف:” أنا حاولت في الفترة اللي فاتت دي أعمل مجهود كبير إن أنا أخش في المنافسة معاهم، بس هو الكابتن حسام أكيد ليه وجهة نظر في الموضوع ده، اللي هو اعتمد على ناس فما ينفعش يغيرهم . لكن كابتن حسام أعتقد إن هو مقتنع بيه جداً وعلى أساس كدة إن هو ضمني ولعبنا ماتش دولي ، فلا يعني هو أعتقد ليه أسباب تانية”.
وأختتم:’ زعلان جداً.. بس إن شاء الله يعني أحاول أقدر أعمل حاجات تانية وأقوى، يخليني أنا ألعب أساسي في المنتخب إن شاء الله في أمم إفريقيا اللي جاية”.
