علق معتمد جمال المدير الفني لنادي الزمالك،على خسارة لقب كأس الكونفدرالية الإفريقية أمام اتحاد العاصمة الجزائري، بركلات النرجيح8-7.
وقال جمال في المؤتمر الصحفي بعد المباراة:’ مكناش عايزين نوصل السيناريو ده .. اللعيبه مكنتش في حالتها ولا إحنا كلنا كنا في حالتها بصراحه “.
وتابع: “ملعبناش اللعب اللي احنا متعودين عليه رجعنا ورا جامد وادينا اتحاد العاصمة الجزائري الأفضلية، الشوط الثاني حاولنا نغير طريقة اللعب ونحاول نسجل لكن مقدرناش”.
وأكمل جمال:” وصلنا لركلات الترجيح ودي 50-50 وفي الاخر هي دي الكرة، هردلك لجماهير الزمالك وهنقفل الصفحه علشان نركز في ماتش الأربعاء علشان نختم الموسم ببطولة “.
وأشار:” تسديد شحاته ركلة الجزاء؟ هو محمد شحاته رقم 8 لان مكنش فيه غير محمد إبراهيم ومحمد إسماعيل مصاب .. في الاخر دي ركلات جزاء وافضل لاعبي العالم بتضيع “.
وواصل جمال:” هي في الاخر ضربات حظ متقدرش تقول مين يشوط ومين لأ طالما وصلنا لمرحلة رقم 8 يسدد”.
وراد على سؤال ليه مقدرناش نسجل برغم التقدم بدري؟ اجاب:” خوف اللعيبه على الهدف خلانا نتراجع علشان ميدخلش فينا هدف وده سبب نفسي للاسف .. مكناش في يومنا كلنا “.
و اردف:” احنا بنشتغل على 13 أو 14 لعيب معندناش أفضلية نعمل روتيشن للاسف في التوقيت ده، كمان تغيير مهدي سليمان خلتنا مش عارفين نعمل غير توقفين بس كل واحد فيهم 2 لعيبه”.
وأختتم: “في الاخر كلنا مكناش في يومنا وده بيحصل يعني .. هنركز على يوم الأربعاء علشان نقدر نحسم بطولة الدوري وميبقاش ضيعنا كل حاجه”.
