تطرق الإعلامي أحمد شوبير، عبر برنامجه “الناظر” على قناة “النهار”، إلى ملف حصول نادي الزمالك على الرخصة الإفريقية للمشاركة في البطولات القارية للموسم المقبل، مؤكداً وجود ترقب شديد لهذا الملف.
و أضاف شوبير:” فكرة القيد بالمناسبة؛ عشان البعض بيقولك إن اتحاد الكورة هيدي جواب بالرخصة الإفريقية لنادي الزمالك.. مينفعش، مينفعش خلاص، العيون كلها على هذا الأمر، وأنا بقولك معلومات”.
و أشار:” وميقدرش اتحاد الكورة يدي الرخصة والزمالك مسوّاش موقفه رسميًا بخطابات رسمية وبمستندات رسمية”.
وتابع شوبير:” واللي هقوله ليك كمان، وده حق النادي الأهلي وميزعلوش: إن النادي الأهلي بيجهز ملف كامل في حالة عدم تسوية الزمالك للموضوع، والأهلي بيصمم إن الأمور تسير بالشكل الرسمي، سواء 31 مايو أو 30 يونيو قولًا واحدًا”.
واختتم:” وخدها معلومة مني: الأهلي مبيعلنش خالص دلوقتي، لكن لو ليه حق لازم يسعى وراء هذا الحق، وده ميزعلش، ده حق مشروع، ومفيش فيه أي مشكلة على الإطلاق”.
