كشف الإعلامي أحمد شوبير عن موقف إدارة النادي الأهلي من الأنباء التي ترددت مؤخراً حول إمكانية التفاوض مع “ابن الزمالك” ومهاجم نانت الفرنسي الحالي، مصطفى محمد.
وقال شوبير، خلال تصريحات تليفزيونية ببرنامج “الناظر”، عبر قناة “النهار”:” تصريحات مثيرة لآدم وطني حول انتقالات اللاعبين، هو اتكلم على أربعة لعيبة وأنا ممكن أقول لك موقف اتنين لعيبة أنا عارفهم بنسبة 100%”.
وتابع:” بشأن مصطفى محمد؛ بقول كلام واخده من مسؤول هام جداً داخل النادي الأهلي إنه ما فيش تفكير خالص في مصطفى محمد”.
و أضاف شوبير: “مش في مصطفى محمد بس، لا.. في أي حد، في أي حد كان في الزمالك، لا مدرب ولا لعيب، ما فيش الرغبة خالص مش موجودة عند النادي الأهلي، وبالتالي لا توجد مفاوضات مع مصطفى محمد خالص، لا من قريب ولا من بعيد في النادي الأهلي”.
وشدد:” الأهلي لا يفكر في مصطفى محمد، طب أقول لك الأكثر؟ إن بعضاً من الوسطاء قالوا للنادي الأهلي إحنا على أتم الاستعداد إن مصطفى محمد يجي النادي الأهلي”.
وأختتم:” أنا بقول لك الأكثر بقى يعني بعض الناس الوسطاء الله أعلم هم وكلاء ولا مش وكلاء لكن أنا بقول لك الأكثر يعني عرضوا على النادي الأهلي إن هم يبدأوا التفاوض مع مصطفى محمد ماعرفش، بس اللي أعرفه هل أنت حضرتك الوكيل بتاعه لوحدك ولا في حد تاني؟ ما عنديش معلومة عشان مابقاش كداب يعني ده بما يخص الأستاذ آدم وطني وكيل اللاعبين.”
