رد الإعلامي أحمد شوبير على التصريحات المنسوبة لآدم وطني، وكيل اللاعبين، بشأن رغبة إمام عاشور في الرحيل عن صفوف النادي الأهلي خلال الفترة المقبلة.
وقال شوبير،خلال تصريحات تليفزيونية ببرنامج “الناظر”،عبر قناة “النهار”:”تصريحات مثيرة لآدم وطني حول انتقالات اللاعبين، هو اتكلم على أربعة لعيبة وأنا ممكن أقول لك موقف اتنين لعيبة أنا عارفهم بنسبة 100%”.
و أضاف:” قال لك إن إمام عاشور قال لي إنه أنا عايز أمشي.. ماشي، امشي، همشي مع كلامك، إمام فاضل له سنتين في عقده هيمشي إزاي؟ هياخد عقده كده و جاي ماشي معاك يقول لك يلا بينا إحنا ماشيين يلا نروح نجيب فريق يعني ولا إيه؟ ولا حضرتك تتقدم بعرض للنادي الأهلي اللي هو يمتلك عقد اللاعب اللي هو ماضي لمدة عقدين”.
وواصل شوبير: “وعايز أقول لآدم وطني وعلى مسؤوليتي أنا بقى المرة دي إن إمام أكد للمسؤولين في النادي الأهلي استعداده الكامل للتجديد للنادي الأهلي أو لمد عقده مع النادي الأهلي، بقولها لآدم أهو إذا كان هو مش سامعني يا جماعة سمعوه، الراجل على أتم الاستعداد إنه يكمل مع النادي الأهلي”.
وشدد:” فالتصريحات دي في الأوقات دي في التوقيتات دي يا أستاذ آدم مالهاش لازمة أصلاً خالص على الإطلاق يعني، لا أرى لها مبرر إلا بقى إذا ما كانتش على لسانك فتطلع توضح إنه هذا الأمر مش على لسانك”.
وأختتم شوبير: “تاني، إمام عاشور ومحمد عبد الله مرتبطين بعقود مع النادي الأهلي، والأهلي منفتح لو لعيبة جالها عقود، الأهلي منفتح إنه يبيعها ما عندوش مشاكل بس تيجي عقود محترمة تليق بأي لاعب داخل النادي الأهلي، ما بتكلمش على إمام بس ولا بتكلم على عبد الله بس”.
