فجر أحمد شوبير مفاجأة من العيار الثقيل بخصوص طلب نادي الزمالك لحكام أجانب لمباراة سيراميكا كليوباترا، مؤكداً أن الطلب “رسمي” لكن “الخزينة لم تسدد”.
وقال شوبير،خلال تصريحات تليفزيونية ببرنامج” الناظر”،عبر قناة” النهار”: “بالمناسبه انا عمال اسال على مباراه الزمالك وسيراميكا وهل في طاقم طاقم تحكيم مصري ولا طاقم تحكيم اجنبي ما اعلن انه الزمالك ارسل الى الرابطه والرابطه ارسلت الاتحاد انه نادي الزمالك عايز حكام اجانب”.
وتابع:” من امبارح الحقيقه عمال اتكلم، يعني اخر حاجه كانت عندي امبارح ان الزمالك ما سددش الزمالك قدامه حد يوم 10 مايو عشان يسدد اذا سدد خلاص اذا ما سددش بقى هنا في حاجتين اما انك خلاص هتلعب بحكام مصريين او ان الرابطه ستتدخل وهي اللي تتحمل المصروفات ده استنتاجي دي مش ده مش خبر ولا معلومه ده استنتاجي يعني فماعرفش هل ده هيحصل ولا مش هيحصل “.
وأردف شوبير:” خصوصا ان الزمالك ارسل رسميا بيطلب حكام اجانب لهذا اللقاء ماعرفش الدنيا شكلها عامله ازاي لكن عايز اقول لك كمان اللي بيحصل داخل نادي الزمالك هناك تيار كبير داخل نادي الزمالك حابب انه الزمالك يلعب بحكام مصريين، ثاني هناك تيار جارف كبير داخل نادي الزمالك حتى لو كان تيار جماهيري بيقول لك لا نلعب بالحكام المصريين فده الموقف “.
وأختتم:” طيب الزمالك حتى الان بيبلغوني لم يسدد المبلغ بتاع الحكام الاجانب والمهله حتى يوم 10 اللي هو خلاص نعتبره بكره بقى احنا داخلين على الساعه 11 هنشوف الزمالك هيسدد بكره هيسدد بعد بكره ولا لسه ولا الرابطه ممكن تتحمل ام لا”.
