بعض الملفات المرتبطة بأداء لاعبين بارزين، من بينهم لاعبو نادي الزمالك، وذلك قبل حسم القائمة النهائية للفترة المقبلة.
وقال شوبير في تصريحاته عبر برنامجه الإذاعي: “بص يا سيدي خلينا نفكر كده مع بعض، ندخل دماغ حسام حسن ونشوف مين يقعد ومين يمشي، بس خلينا نبص من زاوية تانية.. في البطولة الإفريقية اللي كانت في المغرب كان عندك الشناوي ومصطفى شوبير ومحمد صبحي، دول اللي لعبوا، الشناوي كان الأساس، ومصطفى لعب ماتش أنجولا وماتش تحديد المركز الثالث، وبعد كده كان فيه أحمد الشناوي ومحمد صبحي حارس الزمالك”.
وتابع: “بعد كده دخلنا معسكرات تانية بعد البطولة، وكان فيه ماتشات زي السعودية وإسبانيا، ساعتها صبحي بدأ يخرج من الحسابات، ودخل مهدي سليمان بعد ما اتألق مع الزمالك، وكمان محمد علاء دخل، وخرج أحمد الشناوي وصبحي، ودخلوا الاتنين الجداد”.
وأضاف: “بصراحة أحمد الشناوي بيشارك عادي، لكن في الآخر دي وجهة نظر الجهاز الفني، لكن صبحي هو اللي خرج نفسه بنفسه، يعني ماينفعش تعمل الغلط ده وتضيع على نفسك فرصة، خصوصًا بعد ما اتطرد في موقف غلط وحط فريقه في أزمة”.
واستكمل: “كان عواد موقوف وقتها، فدخل مهدي سليمان وقدم أداء جامد جدًا، ورغم سنه لكنه ثابت جدًا، وحسام حسن أصلاً شايفه كويس، فدلوقتي عندك ثلاثي واضح: الشناوي ومصطفى شوبير ومهدي سليمان”.
وأشار:”نيجي بقى للحارس الرابع، هل يكمل محمد علاء ولا يرجع أحمد الشناوي؟ كل حاجة واردة، لكن اللي واضح إن صبحي بعد نفسه تمامًا بسبب غلطة كان ممكن مايحصلش، وده أثر عليه سواء في الزمالك أو المنتخب”.
واختتم: “وفي لاعيبة تانية تحت النظر زي محمد إسماعيل، لاعب جوكر، وحسام حسن بيحب النوعية دي، لكن لسه فيه مفاضلة بينه وبين أسماء تانية، وكمان ياسين مرعي كان قريب جدًا لكن الإصابة وقفته، وفي النهاية القائمة لسه فيها شغل كتير قبل إعلان معسكر مايو”.
