شن الإعلامي أحمد شوبير، هجوم قوي ضد الإعلاث الأهلاوي بسبب الدنماركي ييس توروب،المدير الفني للنادي الأهلي بعد غضب إدارة الأحمر من المدرب.
وقال شوبير،خلال تصريحات تليفزيونية ببرنامج “الناظر”، عبر قناة “النهار”:” الواحد بيبقى سعيد في الأول يقول الله أكبر بسم الله ما شاء الله الوجوه الجميلة اللي تغطي الساحة واللي تعمل حاجة جميلة واللي تعمل إعلام حلو، ثم فجأة يتحولوا من تلاميذ كانوا موجودين إلى دلوقتي أساتذة وبروفيسورات بيدولك محاضرات ويعلموك ويفهموك، وافهم بقى يا أخي أنتوا ما بتفهموش حاجة، أنتوا جيل عفى عليكم الزمن، أنتوا إيه اللي مقعدكم لحد دلوقتي؟ “.
وتابع:” اتعلموا مننا القصة عاملة إزاي! يا ابني التواضع لله وحده، تفضل متواضع وتفضل تتعلم لحد ما تموت، لحد ما تبطل تفضل تتعلم، تفضل تستفيد وتفضل تقول الحمد لله والشكر لله، تفضل تشكر ربك، سيد القوم خادمهم، من تواضع لله رفعه.. أنتوا بتتكلموا في إيه؟ بتتكلموا في إيه؟ اللهم لا حول ولا قوة إلا بالله”.
وواصل شوبير: “طيب خليني أتكلم شوية في ييس توروب وماذا يحدث في ملف ييس توروب. كلكم أصحاب الانفراد، أنتوا يا أساتذتنا الكبار، أنتوا اللي علمتونا وأنتوا اللي جبتوا لنا الأخبار وأنتوا اللي فهمتونا وإحنا بننقل عنكم أهو عشان إيه ما تتعبوش ولا تزعلوا. كلكم أصحاب الانفراد وكلكم أول ما نبهتوا على عقد توروب، وكلكم أول ما قلتوا إن الأهلي مش هيعرف يتفاوض لأنه البند بتاع يستورب إنه من بداية الموسم التالي، وكلكم قلتوا الأهلي ما بيعرفش يكتب عقود”.
وشدد:” كلكم أهو إحنا ما بنفهمش حاجة عشان بس ما تطلعوش تدونا بعد شوية دروس في المهنية. كلكم اللي قلتوا هذا الكلام أهو خلاص، ولكنه تأكد ما ذكرناه منذ أكثر من شهر إنه الأهلي لن يستطيع التفاوض مع مدرب جديد على الأقل في العلن طول ما توروب موجود، وهذا خطأ في صياغة العقد داخل النادي الأهلي، ومش عارف مين أعرفه قالك الأهلي ما بيعرفوش يكتبوا عقود.. أنتم كلكم برضه سين وصاد وعين وكاف ولام والناس دي كلها”
وأردف:” ويستغرب إمبارح في المؤتمر الصحفي لما اتسأل قال له: مش قراري، أنا حابب، أنا مبسوط بمصر جداً وحابب أقعد والكلام ده مش معايا، اسألوا إدارة النادي الأهلي، في تأكيد إنه راجل متمسك بالتعاقد بتاعه. توروب طلع إمبارح كان غاضب جداً من قصة إنه ما حطش التشكيل وإنه وإنه، وبدأ يفتح النار على الإدارة وعلى الصفقات وعلى عادل مصطفى وعلى الدنيا كلها، وده أثار غضب واستياء شديد داخل النادي الأهلي.”.
واكد شوبير:” مضايق الناس داخل النادي الأهلي حالة غضب شديدة جداً جداً من الراجل، بيحاولوا طب تاخد ثلاث شهور؟ طب تاخد خمس شهور؟ فالقصة مش ماشية زي ما النادي الأهلي شايف. يعني هم مثلاً إيه قالوا له يا عم لاعب بن شرقي رأس حربة، قال لك لعبته قدام الترجي، لأ ما يلعبش تاني، لعبه ثالث ورابع إيه المشكلة يعني؟ لاعب حسين الشحات.. لأ أصل حسين مش عارف إيه، ولما لعب والله أنا مبسوط، زعلوا متضايقين غضبانين،”.
واختتم:” حالة غضب داخل النادي الأهلي وقالوا إنه يعني في إدارة النادي الأهلي قال لك يعني قعد لعيب شهرين ثلاثة جنبه وبعدين في الآخر لما بينزلوا بيغيروا شكل الفرقة وشكل النادي بيتظبط في آخر أسبوعين، طب ما كان من بدري! فالنادي الأهلي استقر إنه بعد مباراة المصري هيقعدوا مع الراجل يتكلموا معاه يحاولوا يخلصوا القصة شكلها عاملة إزاي”.
