كشف الإعلامي أحمد شوبير، كواليس الساعات الأخيرة داخل النادي الأهلي عن استقرار الإدارة بشكل نهائي على وضع كلمة “النهاية” في مشوار المدرب يس تورب مع الفريق، وذلك عقب مباراة المصري المقبلة مباشرة.
وقال شوبير، خلال تصريحات تليفزيونية عبر قناة “النهار”:” بعد مباراة المصري مسئولي الأهلي هيقعدوا مع توروب يتكلموا معاه يحاولوا يخلصوا قصة شكلها عاملة إزاي عشان الأهلي يشوف مدرب هيعمل في الدنيا إيه، فعايزين يدوا للراجل مرتب شهر يونيو اللي هو مش هيشتغل فيه وكمان التلات شهور الشهر الجزائي اللي هو أربع شهور عشان ينهي العلاقة بشكل رسمي”.
و أضاف: “اللي أنا قلته لكم قبل كده إنه توروب أو إدارة الراجل مش عايزة تخش في محاكم، لكنه مع التصريحات الأخيرة بدأ يحصل كلام، يعني في بعض الوسطاء أعرفهم جيداً يعني بدأوا يتدخلوا في الموضوع بحيث إن الأمور تنتهي بالتراضي”.
وشدد شوبير:” وأعتقد في النهاية ستصل إلى تراضي لأنه الأهلي خلى توروب يكمل الموسم حتى النهاية وده نوع من أنواع الاحترام والتقدير ليس توروب”.
واتم: “وفي النهاية قالوا له يا عم إيه بالراحة كده عشان نخلص، خلاص أنت خسرت الدوري وخسرت الكأس وخسرت أفريقيا وخسرت الرابطة وكل حاجة، فشكراً جزيلاً توكل على الله خلينا نشوف مدرب جديد”.
