صدمة جماهيرية.. فشل رحلة الزمالك إلى الجزائر يُفجّر مفاجأة غير متوقعة قبل النهائي! فيديو

في تطور مفاجئ قبل المواجهة المرتقبة، أثار الإعلامي أحمد شوبير الجدل بعد كشفه عن تفاصيل صادمة تتعلق برحلة جماهير نادي الزمالك إلى الجزائر، والتي كانت تستهدف دعم الفريق في نهائي كأس الكونفدرالية الإفريقية، قبل أن تُلغى بشكل مفاجئ بسبب ضعف الإقبال.

وقال شوبير في تصريحات عبر برنامجه الإذاعي صباح اليوم: “في مفاجأة الحقيقة غير سارة، نادي الزمالك كان عامل حاجة لطيفة جدًا وكانت عاجباني، قال إنه هيعمل رحلة للجمهور إلى الجزائر، وده كان شيء كويس جدًا، وكمان قال يا جماعة الرحلة دي هتتقسط على 10 شهور”.

وأضاف: “الرحلة بـ40,000 جنيه، يعني هتدفع 4,000 جنيه في الشهر، وتبقى موجود هناك بتشجع فريقك في الجزائر في نهائي الكونفدرالية، لكن المفاجأة الحقيقة إن الناس اللي طلبت تسافر كانوا 4 أفراد بس، 4 أفراد فقط لا غير”.

وتابع: “وبالتالي نادي الزمالك اضطر إنه يلغي الموضوع، يعني قالك أعمل إيه؟ هروح للشركة أقولهم 4 أفراد؟ فطبعًا الموضوع اتلغى”.

وواصل: “لكن هنا الإدارة عملت اللي عليها، هل ألوم الجمهور؟ لا طبعًا، كل واحد ليه ظروفه، وكمان 40,000 جنيه مبلغ مش قليل، فالناس هتتابع من التلفزيون، وربنا يبارك في الجالية المصرية اللي كانت موجودة هناك، وكان في عدد كويس في ماتش شباب بلوزداد والزمالك اللي الزمالك كسبه 1-0”.

واختتم: “أنا شايف إن الفكرة ما نجحتش المرة دي، بس ده مش معناه إننا ما نجربهاش تاني، ممكن تتكرر في وقت تاني والظروف تبقى أحسن”.

ومن المنتظر أن يلتقي نادي الزمالك مع اتحاد العاصمة يوم 16 مايو الجاري، في إياب نهائي بطولة كأس الكونفدرالية الإفريقية لموسم 2025-2026، على استاد القاهرة الدولي.