وجه الاعلامي عمرو أديب، سؤال قوي لـ معتمد جمال، المدير الفني للفريق الأول لكرة القدم بنادي الزمالك، عقب الخسارة أمام الغريم التقليدي الأهلي.
وقال أديب، في تصريحات متلفزة، ببرنامج “الحكاية”، عبر قناة “mbc مصر”:” يا كابتن معتمد، هل ممكن في التدريبات حاجة ليها علاقة بآخر 18 ياردة في الملعب؟ إحنا بنوصل لغاية الـ 18 دي وما نعرفش نعمل إيه، كل الكور اللي بتتشاط تتشاط بره الجول، كل الهيد ضربات الراس كلها فوق العارضة، ما فيش أي تصويب على المرمى، نحن لا نصوب على المرمى!”.
وتابع:” إحنا بنوصل الكورة وتوصل للـ 18 يا تسيب للدفاع هناك يا تقعد تخبط في الرجلين يا تطلع بره. قولي إيه الكورة اللي كانت خطر؟ أنت بتلعب 90 دقيقة ولا كورة! كان في واحدة بس”.
وشدد أديب:” لازم في التدريب حد يخلص، حد في الآخر يعرف يروح، يعني معدي الكورة كده وخلاص؟”.
وأختتم:” ما عندكش لعيب هداف؟ مش ما عندكش الهداف، عندك هداف بس ما فيش حد بيخلص، ما فيش حد بيقدر. إن شاء الله خير على فكرة، لو الزمالك ما أخدش الدوري السنة دي أنا مش هسكت بجد مش هسكت.”
