كشف محمد عواد، حارس مرمى الزمالك، حقيقة ما تردد عن حدوث اشتباك مع عبد الله السعيد زميله في الفريق، بعد خسارة لقب الكونفدرالية أمام فريق اتحاد العاصمة الجزائري.
وقال الإعلامي إبراهيم عبد الجواد ببرنامج “ملعب أون”عبر قناة” أون سبورت”: ” النهارده عندنا كثير من المعلومات الكاشفة عن كثير من المعلومات المغلوطة اللي اتقالت على مدار الـ48 ساعة اللي فاتت بعد خسارة الزمالك لنهائي الكونفدرالية الأفريقية”.
و أردف:” أولى هذه المعلومات المغلوطة إنه عبد الله السعيد اشتبك مع محمد عواد ووجّه له اتهامات بالتقصير في عدم التصدي لركلات الجزاء”.
وتابع عبد الجواد:” أول حاجة، الكلام ده مش منطقي ومش حاجة أقدر أصدقها، لا من عبد الله السعيد ولا فكرة محاسبة حارس على ركلات ترجيح “.
و أكمل:” خليني أقول لكم المعلومات بشكل حصري من محمد عواد شخصيًا نمرة واحد: عبد الله السعيد من أكثر اللاعبين اللي عاصرتهم في حياتي احترامًا، نمرة اتنين، عبد الله السعيد كابتني وكابتن الزمالك وواحد من أكبر اللاعبين في مصر وقدوة ليا”.
و واصل على لسان عواد: “نمرة تلاتة: عبد الله السعيد هو اللي أنا طالع على إيده في الإسماعيلي، وهو اللي احتضني وأنا طالع للفريق الأول ولسه بستشيره لحد دلوقتي، نمرة أربعة: عبد الله السعيد لم يتعدى أو يتجاوز في حقي بأي شكل من الأشكال’.
و اشار عبد الجواد:” ده نص كلام محمد عواد بخصوص الشائعات عن وجود أزمة بينه وبين عبد الله السعيد”.
و أكد:” تاني حاجة، محمد عواد قال بالنص: أنا منمتش من ساعة لما الماتش خلص، أنا محروق دمي، عواد كان في حالة عصبية شديدة بسبب الجمهور وحزنه عليهم”.
و زاد نقلا عن عواد:” وقال أنا محروق دمي عشان الجماهير اللي شفناها، وكان نفسي أعمل أي حاجة وأموت نفسي عشان أفرحهم، اللي حارق دمي أكتر إن في تلات كرات أنا لامسهم بإيدي إن في أكتر من كرة كان قريب جدًا يتصدى لها”.
وأشار: “أنا كنت أقدر، بس ما كانش في توفيق، وأنا لمستهم وده اللي مخليني محروق دمي وإنه كان متوقع بعد الخسارة إن في ناس هتطلع تصطاد في المية العكرة”.
وأختتم:” إحنا ما قدامناش غير إننا نرضي الجمهور ونصالحه في ماتش الأربعاء ونجيب الدوري لجماهير الزمالك”.
