اثار فرج عامر، رئيس نادي سموحة السابق،الجدل بتصريحات غير لائقة عن لاعبي الزمالك، بعد الفوز أمام سمومة، ضمن منافسات بطولة الدوري.
وقال عامر، خلال مداخلة هاتفية ببرنامج “اللعيب”، عبر قناة “mbc مصر”:” الدوري رايح للزمالك واسكواده ضعيف اصلا، الاهلي عنده لعيبه جامده بس فاقت متأخر الاهلي كسب وفرصته في المكسب اكبر والزمالك تعادله هيبقى كسب الدوري”.
و أردف: ” نتايج الاهلي اول الدوري مكنتش كويسه وناس كتير طمعت وبيلعب بتشكيل غلط، وبن شرقي لعب راس حربه وكان ممتاز ولما لعبوا لعيبة الأهلي في مركزاهم ابتدى يظهر مستواهم الحقيقي ولعبوا اخر ماتشين”.
و أجاب عامر على سؤال، ماذا يحتاج الاهلي الفترة القادمة فنيا واداريا؟: “انا بكلم كمشجع الاهلي محتاج مدير فني وتعزيز في مراكز بسيط ويحافظ علي لعيبته، لازم توظيف اللاعبين بشكل جيد وانضباط غرفة الملابس ومش هنقدر ننسى واقعة امام عاشور”.
وأكمل:’لما بتكون النتيجه مش كويسه الواحد يتأثر مين اللي مالوش صلاحيات فنيه وبيدخل في تشكيل الأهلي؟ معنى كده ان وليد صلاح الدين له بصمات فنيه وفقا لتصريحات محسن صالح”.
وأشار عامر:” مين يصلح مدير كره بالاهلي؟ الكلام صعب لانه في كوارد كتير ومليان كوارد، ادارة الاهلي قريبه من الناس وحاسه مين يدي
و أضاف:” بناء على خبراتي الاهلي هيلعب في بطولة ابطال افريقيا لان الكاف يهمه البطولة تنجح، بص سواء اول او2 او3 يهم الكاف وجود نادي بحجم الاهلي وجماهيريته”.
وأختتم: “الزمالك بيلعب كونفدرالية؟،هو مش قليل وفريق كبير ولكن لا ننكر ان اقوى براند هو الاهلي، الاتحاد الاسيوي بيعطي كروت ذهبيه للمشاركة في ابطال اسيا، والاتحاد الاوروبي بيزود عدد الفرق المشاركه في البطولات، اعتقد مشاركة الاهلي في دوري ابطال افريقيا بنسبه كبيره”.
