كشف محمد إبراهيم، لاعب نادي الزمالك، عن كواليس الموسم الاستثنائي للفريق الأبيض، متحدثاً عن العوامل التي قادت الزمالك لتحقيق لقب الدوري، وتفاصيل التعامل مع الضغوطات النفسية والبدنية التي واجهت الفريق.
وقال إبراهيم، عبر قناة “أون سبورت ماكس “:” الحمد لله إن إحنا أخدنا الدوري، ثاني حاجة أكيد طبعاً إن إحنا نلعب ماتشات فيها ضغوطات وكده وإحنا لسه صغيرين فدي بتدينا يعني خبرة مع اللعيبة الكبيرة اللي موجودة”
وواصل:” اللعيبة الكبيرة كلها كانت بتتكلم معانا؛ كابتن عمر جابر، كابتن عبد الله السعيد، كلهم كانوا بيتكلموا معانا إن إحنا مش لعيبة صغيرة خلاص، إحنا بقينا لعيبة معاهم في الفرقة خلاص، فقعدوا يتكلموا معانا إن إحنا لعيبة كبيرة وما فيش ضغوطات، الضغوطات دي كلها تدينا دافع إن إحنا نكسب الماتش، وقدرنا الحمد لله نكسب بطولة يعني”
وتابع إبراهيم:” عملنا ايه لما عرفنا في مكافآت بتترصد للفرق قدامنا؟ هو عادي يعني، هو أي فريق مش عايز نادي الزمالك ياخد بطولة، بس إحنا بنتكلم مع بعض عادي، إحنا نادي الزمالك اسم كبير، فطبيعي لازم الناس كلها تعمل كده عشان توقعك، بس إحنا بناخد الكلام ده دافع لينا يعني.. أيوه، فبننزل نركز في الماتش بس يعني ما نركزش في حاجة غير الماتش بس وعايزين نسعد جمهور نادي الزمالك”
وشدد'” مباراة نقطة تحول الموسم وبعدها قولت هنكسب الدوري؟ ماتش الاتحاد.. الاتحاد وزد بصراحة، اه.. تحولنا بعدها جامد يعني وحسينا أن الدوري بتاعنا”
وعن سبب خسارة الكونفدرالية؟ أكد إبراهيم:” بص هو أنت يعني بتنزل الماتش مش ضامن الماتش غير لما مع صافرة الحكم خلاص أنت كده ضمنت المكسب، بس ممكن إحنا نكون مجهدين شوية يعني بضغط الماتشات اللي كانت علينا، إحنا قعدنا نلعب ماتشات كتير ورا بعض فممكن من ضغط الماتش أثر فينا وكده، بس ده بس.. الضغط الزيادة”.
وأختتم برسالة لجمهور الزمالك؟: “جمهور عظيم طبعاً وهو سبب في إن إحنا ناخد بطولة ونوصل نهائي الكونفدرالية، صدق اللعيبة كلها إن إحنا نقدر نعمل حاجة والحمد لله قدرنا نسعدهم” .
