تغنى محمد إسماعيل، مدافع فريق الزمالك بزميله عبد الله السعيد، ومدى التزامه وحيه للمكسب دائما وشدد إنه لا يغضب منه مطلقا
وقال إسماعيل، في تصريحات تليفزيونية عبر قناة” أون سبورت ماكس”: “بتزعلوا من عبد الله السعيد لو اتكلم معكم؟، “لا خالص خالص، هو ده هو الوحيد اللي بيزعق لي في الملعب وما بيزعلش، لا عادي أقول له اعمل اللي أنت عايزه، مقتنع بكلامه ، وفي نفس الوقت أنا بقدره جداً، أنا شايفه حاجة كبيرة جداً”.
وواصل:” هو في الملعب يوم ماتش اتحاد العاصمة هو كان زعلان إن إحنا بندافع، إحنا تعبانين وهو كان عايز يعمل عايز يهاجم وعايز يضغط ما شاء الله هو قادر يعمل كده، بطلع بعد الماتش ببص على الجي بي إس (GPS)، ما شاء الله هو أكتر واحد بيجري وبيكون كمان في ماتشات بيطلع في الدقيقة 80 والماتش بيخلص هو أكتر لعيب جاري “.
وشدد إسماعيل:”: “مش عارف والله هو بيعمل كده ازاي، هو في شنطة كده بياخدها المعسكر اعتقد هي دي، شنطة كبيرة أعتقد هي دي مش عارف هساله، أنا كل مرة بكون عايز أسأله بس أعتقد فيها حاجات يعني بتساعده على إن هو ريكفري.. على الريكفري أصلاً (4:32). آه أكيد.” (4:41)المذيع”
وأكمل: “ما إحنا بنعمل ريكفري كده بس في حاجات كتيرة هو أكيد هو فاهم أكتر مننا”.
وأضاف إسماعيل:”عبدالله أكيد كان زعلان إن إحنا كنا بالنتيجة دي وبالأداء ده أكيد هو ما بيحبش يخسر عامة يعني ما بيحبش، وما بيحبش يكون أداؤه وحش أو أداؤنا وحش”.
وردا على سؤال كيف تكونت علاقة عبدالله بالجماهير:” كابتن عبدالله هادي لما بيتشاف متعصب هو عاوز يعمل حاجه واخد بطولات كتير لما بنشوف كدهبنتعلم منه، جمهور الزمالك اي حد يتعلق به وليس كابتن عبدالله بس”.
