أكد الإعلامي مدحت شلبي،أن إمام عاشور،لاعب الأهلي،لا يتحمل ان يتقاضى راتب أقل من زميله في الفريق أحمد سيد زيزو، رغم إنخ أفضل منه فنيا
وقال شلبي، خلال تصريحات تليفزيونية ببرنامج “يا مساء الأنوار”، عبر قناة” mbc مصر 2″ كل القنوات طبعاً بدأت تتكلم في موضوع آدم وطني وتصريحاته المثيرة للجدل في توقيتات غريبة وعجيبة، وهل هي مقصودة إن هي تبقى في هذا التوقيت؟'”
وواصل: “الطامة الكبرى اللي كل القنوات اتكلمت فيها الحقيقة هي مسألة إمام عاشور؛ قال لك إمام عاشور لن يبقى الموسم القادم في النادي الأهلي”.
وتابع شلبي:” إمام عاشور طبعاً كلنا عارفين إنه فاضل له سنتين، لكن مشكلته تكمن في العقود العالية الخاصة بزيزو وتريزيجيه وبن شرقي، هو شايف إن هو لا يقل أهمية، وتصريح غريب لأنه هل أنت تملك إن أنت تمشيه الموسم القادم؟ والأغرب من وجهة نظري وهذه البلبلة، إن إمام نفسه مطلعش لا كذب ولا أكد، ما يقدرش يأكد طبعاً بس يقدر يكذب فما حصلش”..
وشدد: “وفقاً للكلام في النادي الأهلي اللي واصل لنا إنه هو كان طالب تجديد عقده بقيمة مالية مرتفعة، عايز يقرب من زيزو، وهو طبعاً أفضل من زيزو ‘باي ذا واي’ . الأهلي قفل قال لك مفيش كلام خالص في العقود اليومين دول، عندنا حسين الشحات لأن عقده انتهى، وعندنا كوكا وترضية مصطفى شوبير لأن عقده صغير قوي ويستحق أكتر من كده”.
وأختتم:” دماغ إمام خلاص راحت في الفلوس، رضيت أم أبيت، صدقت أو مصدقتش، هي راحت في السكة دي، لأنه مش قادر يتحمل من جواه إن حد أقل منه فنياً -ودي حقيقة من وجهة نظري- وأكتر منه مادياً، فبدأت الأزمات تشتد”.
