فجر الإعلامي مدحت شلبي مفاجأة من العيار الثقيل حول الأزمات المشتعلة داخل جدران النادي الأهلي، كاشفاً عن تفاصيل “مؤامرة” يقودها المدير الفني “توروب” ضد الإدارة، بإيعاز من شخصية كانت تعمل داخل النادي وتم الاستغناء عنها سابقاً.
وقال شلبي، خلال تصريحات تليفزيونية ببرنامج “يا مساء الأنوار”، عبر قناة “mbc مصر 2″:” بالنسبة لـ ‘توروب’، الأهلي خلاص واخد قرار إنه مش هيجدد له، وسيد عبد الحفيظ سافر بره بمعاونة أحد الناس القريبين من الحقل الأوروبي عشان يشوف مدير فني ويتحدث عن قطاع الناشئين”.
وأكمل:” الإدارة القانونية في النادي الأهلي حذرت من الإعلان عن أي تفاوض مع مدير فني في وجود ‘توروب’ احتراماً للعقود، وعرضوا عليه يدوا له شهر يونيه وتلات شهور فسخ العقد (أربع شهور حتة واحدة) ويتوكل على الله، لكنه رفض وقال أنا قاعد”.
و أردف شلبي: ” المعلومات اللي جت لي إن ‘توروب’ بدا يعرف معلومات من شخص معين كان شغال في النادي الأهلي وتم الاستغناء عنه، بيتحدث في أذن ‘توروب’ عن كل ما يحدث، وهو اللي قال له إن الناس بيقولوا إن عادل مصطفى هو اللي بيحط التشكيل، وده اللي خلاه يطلع في المؤتمر الصحفي يقول عادل ده مساعد معايا وبيتعلم وده رقم تلاتة عندي، قلل من شأن عادل وهو مدرب محترم جدا”.
واتم :” برضه قال إن الإدارة ملبتليش احتياجاتي وجابوا لاعبين ماعرفش عنهم حاجة، زي ‘كاموتش’ اللي مكلف 400 ألف دولار وما بيتحطش حتى في ‘السكور شيت’، وأنا بقول الـ 400 ألف دولار دول اللي اترموا في الأرض المفروض مين اللي يدفعهم؟ هل خزينة النادي ولا الشخص اللي جابه؟”.
