أعرب النجم الدولي السابق والإعلامي الرياضي أحمد حسام “ميدو” عن سعادته الغامرة بتتويج نادي الزمالك بلقب الدوري المصري الممتاز للمرة الـ 15 في تاريخه، واصفاً هذا الإنجاز بأنه “انتصار حقيقي لكرة القدم”.
وقال ميدو، في تصريحات تلفزيونية ببرنامج أوضة اللبس،عبر قناة” النهار”: “الزمالك بطلاً للدوري للمرة الـ 15 في تاريخه ألف مبروك لكل زملكاوي، ألف مبروك لجمهور نادي الزمالك العظيم. فوز الزمالك بالدوري هذا الموسم هو انتصار لكرة القدم؛ انتصار للي عقليته مبنية على إن الفوز بالبطولات بيكون بييجي من جوة الملعب الأول، وبعد كده بتشتغل برة الملعب وليس العكس”.
وتابع:’ ليس معنى إنك بتمتلك الأموال وليس معنى إنك مسيطر على الإعلام بشكل كامل إنك تقدر تفوز بالبطولات، عشان تفوز بالبطولات لازم تشتغل صح في الملعب الأول، وده اللي الزمالك عمله السنة دي”
وشدد ميدو: “الزمالك بعد فوزه بكأس مصر الموسم الماضي على حساب بيراميدز بطل إفريقيا، قرر إنه يعمل ثورة (1:04). ثورة كان فيها تضحيات كبيرة جداً، الثورة كان لازم تبدأ من المكتب، ثورة في الهيكل كله الإداري لنادي الزمالك”.
وأكمل:” وكل التحية لمجلس إدارة الزمالك، رغم الأخطاء الموجودة، إنه كان عنده الشجاعة وقدر ياخد المخاطرة إنه يخوض تجربة جديدة وهي تجربة جون إدوارد، ورغم الضغوط الكبيرة اللي عانى منها النادي هذا الموسم، قدر إنه يتخطى كل المطبات وكل الصعاب اللي واجهها خلال الموسم بهدوء كبير جداً يُحسب للجميع داخل نادي الزمالك (1:35). عشان يتوج الزمالك مجهوده بالفوز بالبطولة الأولى، هي الأغلى.. هي الأغلى في تاريخه”.
و أردف ميدو: “وأنا لا أبالغ إن أقول لكم إن دوري محمد صبري هو الدوري الأغلى في تاريخ الزمالك، دوري ما كانش حد يتوقعه رغم بداية الزمالك الجيدة والنتائج الجيدة في بداية الموسم لكن الجميع توقع إن الزمالك نفسه مش هيكون طويل السنة دي، الزمالك هيقع ومش هقول لكم الجميع، ولكن معظم المحللين والخبراء والمتابعين والجماهير راهنوا إن الزمالك مش هيكمل للآخر”.
وأشار:” ولكن لعيبة الزمالك ورجال الزمالك المخلصين والجهاز الفني المحترم المكون من أبناء النادي -أو معظمهم من أبناء النادي- كان عندهم الإصرار والعزيمة، وكانوا عايشين بيتنفسوا كل يوم بروح محمد صبري، ما ننساش إن الكابتن محمد صبري -الله يرحمه- كان ليه دور كبير في فوز الزمالك بالدوري هذا الموسم كان ليه دور لأنه كان بيقف كل يوم على قناة النادي يدافع عن ناديه، ويدافع عن الفريق، ويدافع عن الجميع “.
وزاد ميدو:” محمد صبري اللاعب الفذ اللي عمره ما أدى ضهره للزمالك لما كان بيُطلب في أي موقع وفي أي مكان، من غير تفكير.. من غير تفكير ومهما كانت المغريات في مكان آخر، ومهما كانت العروض، دايماً كان بياخد القرار بقلبه إنه يكون موجود جوة نادي الزمالك لن ننسى محمد صبري اللاعب الفذ ابن الزمالك، اللي أنا بتشرف إن أنا في بداياتي اتعلمت منه ما معنى حب الزمالك، ما معنى الإخلاص للزمالك، ما هي قيمة الزمالك كلها حاجات كلنا اتعلمناها “.
وأختتم:” وفضلنا نتعلمها لغاية آخر يوم في عمره كان موجود جوة قناة ناديه وعنده إصرار إن هو يكمل مع بيته، وإن هو يدافع عن المكان اللي اتربى فيه بكل إخلاص. فالنهارده في اليوم اللي كلنا بنحتفل بيه كزملكاوية بفوز الزمالك بالدوري للمرة الـ 15 في تاريخه “.
