وجه الإعلامى أحمد حسام ميدو، رسالة نارية إلى لاعبي الزمالك قبل المواجهة المرتقبة أمام اتحاد العاصمة في نهائي بطولة الكونفدرالية الإفريقية، مؤكدًا أن المرحلة الحالية لا تحتمل أي تهاون أو أخطاء.
وقال ميدو، خلال تصريحات تليفزيونية، برنامج “أوضة اللبس”، عبر قناة “النهار”:” لاعبي الزمالك تحت مسئوليات كبيره جدا لان على عكس ناس كتير بتقول لن اللعيبه مقصرتش، لا لاعبي الزمالك كانوا لازم تطلع كسبانه سيناريو الماتش، بفرص الزمالك في الجزائر 3 فرص مؤكدة أجوال وفي الحدث ده وتضيع الفرص دي لا”.
وتابع:” هيقولوا ميدو بينتقد لاعبي الزمالك لا انا بفوق لاعبي الزمالك ولازم يبقوا فاهمين ان الجمهور له حق في ماتش العوده، الرساله واضحه، الزمالك كان لازم يكسب “.
وأشار ميدو:” ولاعبي اتحاد العاصمه كانوا متوترين من جمهورهم، وهيلعبوا. هنا احسن لان بدون ضغوط وهيلعبوا على التحولات، الماتش صعب بس اللعيبه لازم تفهم ان الجمهور له حق وبيدعمهم بس زعلان من ماتش الاهلي والماتش اللي فات لانه كان لازم تخلص ودي فرصه العمر تخلص’.
وأضاف : “لعيبة الزمالك عاوز اقولهم حاجه ومحدش هيقولها غيري لو ماخدتوش الدوري والكونفدرالية الجمهور مش هيرحمكم وكلام ان الزمالك في ظروف سيئه كل ده بيتقال وانت بتكسب ومش هيتقال وانت بتخسر اظن الرسالة واضحه”.
وواصل ميدو :” اوعوا حد يلعب في. دماغكم ان لو خسرتوا الجمهور هيقول ان في ظروف سيئه، لو خسرتوا محدش هيرحمكم ولازم تفهموا كده لعيبة الزمالك رجاله لكن فنيا كان لازم تكسبوا ماتش الذهاب”.
واختتم:” لازم تعوضوا الجمهور عن ماتش الاهلي لانهم زعلانين ومبيتكلموش، عمركم ماهتلاقوا جمهور وحوش في صهركم، زي ما بيعمل معكم الجمهور، فرصتكم فرصه عظيمه انكم تصالحوا الجمهور”.
