أطلق مهاجم نادي الزمالك، ناصر منسي، سلسلة من التصريحات المدوية كشف خلالها عن كواليس الموسم الاستثنائي والشاق الذي عاشه الفارس الأبيض، معبرًا عن مشاعر الفخر والامتنان لجماهير القلعة البيضاء بعد حسم لقب الدوري الممتاز في الأمتار الأخيرة.
وقال منسي،خلال تصريحات تليفزيونية ببرنامج “ملعب أون”، عبر قناة” أون سبورت”: “لاعيبة الزمالك كلها أساطير مفيش حد فيها مش أسطورة، وأنا اسم أسطورة طلع عليا لأن اسمي ناصر وجماهير الزمالك قالت ليا أنا أسطورة بسبب مسلسل محمد رمضان ناصر الدسوقي”.
وتابع:” الأسطورة الحقيقية في الزمالك عبدالله السعيد أسطورة بجد”.
وشدد منسي:” أي حد اتكلم عليّا بكلام وحش أنا مش زعلان منه، أنا قلبي طيب ومسامح أي حد اتكلم عني وقال عني أي حاجة، أنا عمري ما أشيل أو أزعل من حد’.
وواصل:” إحنا تعبنا أوي الموسم ده بجد، ده أكثر موسم الواحد تعب فيه أوي في كرة القدم، إحنا كنا كل يومين تلاتة ماتش وبنسافر ونرجع، وإرهاق رهيب أوي مشوفتوش طول حياتي، وفي فرق كانت بتبقى مريحة وإحنا بنلعب علشان في الكونفدرالية”.
و اشار منسي:” زعلت أوي أوي بعد نهائي الكونفدرالية وقعدت يومين مش عارف أستوعب، لكن اتكلمنا مع بعض لازم نصالح الجمهور وناخد الدوري”.
و أتم: ” أنا مش بسدد ضربات جزاء في أي فريق لعبت فيه في الماتش نفسه، مع الزمالك الحمدلله سددت في ركلات الترجيح بعد المباريات وربنا وفقني فيها، بس أنا بكون داخل فيها على الله ولله وربنا يكرم”.
