كشف معتمد جمال، المدير الفني للزمالك، عن رأيه في المقارنات التي تعقدها الجماهير بين الصفقات الجديدة وبين لاعبي الفريق السابقين، وتحديداً في ظل الحديث عن تعويض رحيل أحمد سيد”زيزو”، لاعب الأهلي الحالي.
وقال جمال، خلال مذاخلة هاتفية ببرنامج “ملعب أون”، عبر قناة” أون سبورت”: “أمنياتك إيه الفترة اللي جاية مع نادي الزمالك؟ اتمنى الاستقرار لنادي الزمالك، واتمنى إن نادي الزمالك يفضل في مكانه؛ هي دي مكانة نادي الزمالك الطبيعية قليل والله العظيم نادي الزمالك ده حاجة كبيرة جداً”.
ونابع:” وإذا كنا احنا موجودين أو مش موجودين نادي الزمالك طول عمره هيفضل كبير وطول عمره هيفضل كبير بجمهوره وبلعيبته، وكل الناس أو أي حد بينتمي لنادي الزمالك ده شرف تيشرت نادي الزمالك ده يساعد أي حد على النجاح . فـ بتمنى لنادي الزمالك مزيد من الاستقرار ومزيد من البطولات لأن نادي الزمالك يستاهل أكثر من كده بكثير “.
واجاب معتمد ردا على سؤال:’وجود “بيزيرا” عوض جمهور الزمالك عن رحيل زيزو؟ مش عايز أدخل في النواحي دي’.
وأختتم:” أنا بقول لـ بيزيرا أنت لعيب كبير وعندك إمكانيات كبيرة، ومن أنجح الصفقات اللي جون جابها هو وشيكو وعدي وآدم وكل اللعيبة المختلفة حتى اللعيبة اللي هي من نوادي مصرية، أنا أعتقد إن نادي الزمالك يعني قدم أو جلب لعيبة إذا كان محترف أو من الدوري المصري من على أعلى مستوى”.
