إبراهيم حسن يكشف عن زلزال حسام حسن في مباراة نيوزيلندا تهديد صريح للاعبين.. “التزموا أو هذا مصيركم”
كشف إبراهيم حسن، مدير منتخب مصر لكرة القدم، عن رسائل حسام حسن المدير الفني للفراعنة الناريه للاعبين خلال مباراة نيوزيلندا في كأس العالم.
وقال حسن، خلال مداخلة هاتفية ببرنامج “اللعيب”، عبر قناة “mbc مصر”:” الحمدلله مينفعش دور فني بدون اداري والدور الفني مع التنظيمي دي اسباب لنجاح الحمدلله بنكمل بعض وبنشتغل علشان اسم بلد زي مصر وشعب كبير واثقين وعشمانين فينا ولازم حسابتنا ميبقاش فيها اخطاء”.
وردا الى سؤال:” هل كان لك دور بين الشوطين؟ اضاف:” احنا بنكمل بعض ولكن الدور لحسام ولازم شخصيتنا كل واحد يقول كلمه وموجود طبعا ولازم نكمل بعض وبين الشوطين كان في صعوبة وكان حسام بيفكر الناس ولازم انا كمان وقولنا مينفعش ان المصريين الموجودين في المدرجات ولا الناس في مصر يرجعوا زعلانين وكل واحد يراجع نفسه وينفذ الكلام الي اتقال عليه واللي مش هيلتزم هيتغير، وحسام شرح كل شئ وتحليل الاداء بيصور لنا الماتش علشان بيراجع الاخطاء وبتتراجع الورق والشاشه وبتتعمل بين الشوطين الحمدلله درجة استيعاب اللعيبه كبير وهم محترمين وبينفذوا اللي مطلوب منهم”.
وواصل: “حسام حسن قال ايه بين الشوطين؟ حصل تغيير في المراكز بالشوط الثاني ودي كلها مع رؤية حسام لانه بيطور من نفسه بصور كبيرة وبيبتكر اشياء كثيره حتى صلاح بيوظفه في مكان تاني وبيجدد الحمدلله، اللي اتقال بين الشوطين لازم تنفذ الكلام اللي قولناه ولازم تطلع بره ماتش بلجيكا وقالهم انسوا وصفوا دماغكم وكل واحد يراجع نفسه ومش هيبقى حد موجود في الملعب مش مركز وبينفذ التعليمات ولومنفذتوش اقعدوا جانبي على الدكه مهما كان اسمه”.
و شدد حسن:” صلاح لاعب كبير وفكره وفتره وجوده في اوروبا غيرته وعارف وعنده ثقه في حسام حسن انه بيساعده يظهر بافضل صوره ولمصلحته ومصلحة المنتخب وهو لاعب محترف مصلحة الفريق ده يطلع وواحد يكمل فصلاح ذكي وعارف ان لما حسام بياخد قرار بتغييره بيكون علشان المنظومة كلها مينفعش تبقى في حرب والسلاح في دماغك والرصاصه طلعت مش في وقتها خلاص، فحسام بياخد القرار في التوقيت الصح وصلاح رجل محترف وفاهم كل الامور وكل واحد عارف ان حسام بيشتغل للصالح العام مش لحساب حد”.
واردف:” الحمدلله كنا زعلانين جدا جدا بسبب اصابة حسام عبد المجبد وحمدي فتحي، والفرحه مكملتش بسببهم كان في شد عند فتحي ومش مزق، والدكتور طمنا ومش هيبقى موجود الماتش الجاي وقدامه اسبوع، حسام عبد المجيد كان ارتجاج ومفيش لا كسر و لاشرخ في وجهه، وكان مصر يلعب بس الدكتور رفض وحالته كويسه وحمدي اسبوع ويبقى موجود معنا”.
و أشار حسن: “تريزيجيه لاعب هايل وملتزم ومفيش اي رد فعل وحش وهو من اللعيبه المحترمه ونيته كويسه واول لما نزل جاب هدف وده مش سهل، وله معزة كبيره عند حسام وهداف افريقيا والمنتخب وبيقعد وبيلتزم وبينزل في اي وقت دي توليفه عملها حسام وحسسهم ان اي واحد يلعب، والفترة الجاية يكون في لعيبه تشارك وان شاء الله يبقى في تغيير لان حسام عمل فرقتين”
وأختتم:” نكون اول او2 او3 المجموعة مش مهم لنا، لان احنا رايحين كاس عالم مفيش فيها ترتيب واللي يقولك المجموعة ضعيفه محدش بيروح كاس عالم ضعيف واللي يقولك وصلت على حساب كاب فيردي ادي كاب فيردي اهم شئ نتأهل وطموحنا فوق ما يتخيل الشعب المصري ومعندناش سقف الناس الطيبه دي واللي ورانا في امريكا وكندا منظر رهيب الجمهور المصري محتل كاس العالم”.
