” امتداد للجوهرى وشحاتة”.. مهيب عبد الهادي يتغنى بحسام حسن بعد تعادل المنتخب امام بلجيكا
أكد الإعلامي مهيب عبد الهادي أن التعادل الأخير لمنتخب مصر يمثل “تعادل بطعم الفوز”، مشدداً على أن المنتخب الوطني ظهر بشخصية مغايرة تماماً، واصفاً ما حدث بأنه كرة قدم حقيقية للمرة الأولى في تاريخه.
وقال مهيب في تصريحات تليفزيونية ببرنامج” اللعيب”،عبر قناة” mbc مصر “، منتخب مصر النهاردة بيقول للكل أنا جيت، ولأول مرة في تاريخي بلعب كرة قدم حقيقية. لأول مرة إحنا اللي مسيطرين قدام منتخب مصنف، ودي حاجة لازم كل مصري يفتخر بيها، لأن دي البداية الحقيقية اللي كنا مستنيينها”.
وأضاف: “عندنا مدير فني كبير اسمه حسام حسن، مدرب بيبص للكل ويقول: أنا أهو.. أنتم فين؟ هو امتداد للكابتن حسن شحاتة والجوهري، وعندنا دكتوراه في التدريب اسمه حسام حسن، ولازم الناس تفهم الراجل ده عمل إيه”.
وتابع مهيب: “شوفوا إزاي وقف بلجيكا عند حدها؛ منتخب كان جامد جداً، حسام حسن خلاه وديع وضعيف. إحنا عندنا مدرب مدرسة في التدريب، وزي ما متعنا وهو لاعب بيحارب في الملعب، هيمتعنا وهو في التدريب، والمنتخب معاه في حتة تانية”.
