علق أيمن عبد العزيز، نجم الزمالك السابق، على أزمات وأوضاع الفارس الأبيض خلال الفترة الحالية وإيقاف القيد.
وقال عبد العزيز، خلال تصريحات تليفزيونية ببرنامج “اللعيب”، عبر قناة “mbc مصر”:” محدش يقدر يمنع الزمالك من اللعب في افريقيا، ممكن ميبقاش في لعيبه لكن هيلعب في افريقيا”.
و أضاف: “لو اتكلمت هنقول حاجات مش عاوز اقولها، احنا بنقاوح في الغلط، انا مبطلعش اقاوح مينفعش اقول الامور ماشيه كويس وهي ماشيه وحش، ومفيش خريطه واضحه، الحاجه الي نقدر نعملها الفترة دي هي اننا نقف جانب الزمالك والادارة”.
ومن جانبه تدخل الإعلامي مهيب عبد الهادي قائلا:” الزمالك بـ3 قرارات، قرار للادارة، وقرار لجون إدوارد وقرار لممدوح عباس”.
ليرد عبد العزيز:” اللي يتدخل هو ممدوح عباس لانه هو اللي شايلك، لو في حد له حق بالتدخل هو الاستاذ ممدوح لانه شايل المجلس والنادي، هو قال مش هساعد بس مفيش غيره بيساعد”.
وأتم: “مجلس الادارة له رأي وجون له رأي، بازعل على الزمالك لما يتقال كده مفيش حاجه اسمها كده اللي يدير الكرة والنادي هو مجلس الادارة”.
