كشف حسين لبيب، رئيس نادي الزمالك، كواليس حل أزمة ارض النادي، وذلك بعد الحصول على ارض بديله لارض حدائق أكتوبر، ووجه الشكر لهؤلاء.
وقال لبيب، خلال مداخلة هاتفية ببرنامج “على مسئوليتي”، عبر قناة “صدى البلد”:” مش عاوز اتكلم في امور سابقة، لكن احنا دخلنا الزمالك يوم 23 اكتوبر وكان باقي على المهله الرئاسيه اقل من شهر على سحب الارض، وكان شئ ضروره منه سحب الارض ولازم اكون واضح وكان لازم تدخل الدوله في هذه الازمه والزمالك ملك الدوله فكان لازم التصرفات من الدوله “.
وتابع:” وكلنا حاسين ان الامور المستعصية نلجأ فيها للرئيس، وتوجهنا لفخامة الرئيس وكان الدفعه القويه جدا من الرئيس بما يملك من حكمه واصدر توجيهاته لحل الازمه المستعصيه، و نيابه عن المجلس و الجمعيه العموميه،و مشجعي النادي اتقدم بالشكر للرئيس على اصدار توجيهات لحل الازمه بناء توجيهات فخامته حصل تعاون من كل الاطراف في الدوله وتكاتف الجميع لحل المشكله “.
و شدد لبيب:” المشكله من 20سنة وكان لازم حلها بما يحفظ حق الدوله وتحقيق امل الزملكاويه في وجود فرع تاني،، وباشكر نيابه عن المجلس دولة رئيس الوزراء لمتابعة وحل المشكله اللي كان معنا كتف بكتف وايد بايد، و في 3 اشخاص اكثر ناس كانوا معنا وهم السيد وزير الشباب والرياضه جوهر نبيل، والمهندسة راندا المنشاوي وزيرة الاسكان ودور مهم لمحمد مجاهد رئيس لجنه الشباب والرياضة بالبرلمان، تكاتفوا لحل الازمه وتعاونوا ليضعوا حلول ليجدوا افضل حلول علشان كده اخدت وقت وبشكرهم وفخور ان مصري بما وجدته من مجهود ”
وواصل:” الازمه تم حلها ومبسوطين بالحل هنعمل مؤتمر صحفي وندعو الناس لشرح كل التفاصيل ونعلن كل حاجه امام الجميع
و بطمن الجماهير ان النهارده الحل اللي وصلنا له حل مرضي للزمالك وهيخلي عندنا استدامه ماليه “.
و أردف لبيب:” القطعه الجديده مساحتها 65 فدان موجوده بجوار مستشفى مجدي يعقوب ومكان استراتيجي ومهم جدا، والدوله اعطت الزمالك شئ مميز، بجهد الناس هنعمل حاجه كويسه للنادي ان شاء الله جاهزين للبدأ في الارض والدوله كان لازم تحافظ على حقوقها ومجتش على الزمالك، الحمدلله الدولة حاطه الزمالك في مرتبه كويسه وتوصله لبر الامان، والشروط اللي اتحطت هنفذها بكل حذافيرها “.
وزاد:” نعم في جزء استثماري وجزء كويس نقدر نحل به مشاكل الزمالك ونضع الزمالك على الطريق الصحيح، واليوم كل زملكاوي يقول ويفتخر ان عنده ارض وفرع اخر، ووفقا للاتفاق والمده كافيه تكفي للقيام بالفرع الجديد وهنعلن كل شئ في المؤتمر الصحفي”.
و اسهب لبيب:” الارض موجوده ولسه مستلمناش بالتالي هنقعد قعده مطوله والمواعيد نقدر عليها، الحل مرضي لنا الحمدلله ان فخامة الرئيس اصدر توجيهات فكل الناس قدروا يطلعوا افضل شئ ممكن من اجل مصلحة الزمالك، والدوله لم تجر على مصلحه الزمالك، قالوا يلا ابتدوا واهم شئ المواعيد والاشتراطات واحنا قدها”.
و أستأنف:” أرض ميت عقبه قعدنا مع وزير الأوقاف، وفي تفاهم بينا احنا دخلنا وجدنا مشاكل من 20 سنه، الناس تتفائل خير واحنا متفائلين خيرا احنا شغالين على الحل خلال اسابيع لنصل لحل مع الاوقاف وفي وجود وزير الرياضه’.
وأجاب لبيب علئ سؤال: “هل ممكن تدخل وزارة الاوقاف شريك؟ وارد طبعا وكل التوجهات نحافظ على الدوله واموالها والزمالك وامواله، وفي امكانية شراكه احنا كطرف لوحدنا مش هتقدر نعمل حاجه لكن بمشاركه الاطراف نعمل حاجه وخلال اسابيع نعقد جلسه ونضع نتصور احنا حاليا الشغل الشاغل على محاور انشائية”.
