عبر خالد الغندور،نجم الزمالك السابق ، عن رأيه في أزمة إيقاف القيد بالقارس الأبيض، وطالب الجمهور بدعم مجلس الإدارة.
وقال الغندور، خلال فيديو عبر حسابه الرسمي على موقع التواصل الإجتماعي “فيسبوك”:” الكلام عن الزمالك، أنا مبسوط جدًا علشان القيد مقفول، وبتكلم جد والله، إحنا هنفتح القيد ليه؟”.
وتابع:’إحنا علينا أكتر من 8 مليون دولار علشان نفتح القيد بس، ده غير الفلوس اللي علينا لصالح اللاعيبة اللي اجتهدت وتعبت وجابت دوري، يعتبر الأغلى في تاريخ الزمالك، وكمان وصلوا نهائي الكونفدرالية، لكن لم يوفقوا”.
وشدد الغندور: “مش عايز القيد يتفتح، علشان النادي ميشتريش 8 لاعيبة جديدة، علشان هنشارك في دوري أبطال أفريقيا، فينجح في الآخر 2، و5 منعرفش ندفع ليهم فلوس، ويرحلوا مجانًا، وتعمل 2 مليون دولار عليك زيادة”.
وواصل:” متفتحش قيد، اشتغل وحل مشاكلك، وادفع 8 مليون دولار خلال عام، واعطي اللاعيبة الموجودة فلوسها، عندنا فريق جيد، وأقوى دفاع في الدوري، وفي إعارات كمان”.
وأتم:” حافظ على الفريق وحل مشاكلك، وياريت الجماهير متهاجمش مجلس الإدارة،حتى لو غلط ادعمه، وبلاش تطاول لحل أزمات نادي الزمالك في الأوقات الصعبة اللي بيمر بيها، وخلال سنة نحل كل مشاكلنا”.
شاهد:
