رد حاسم من هشام نصر على اتهام المجلس بالكدب على الجمهور بشأن القرار التأديبي.. “التاريخ سيذكر المجلس”
رد هشام نصر نائب رئيس نادي الزمالك،على الاتهامات بالكذب على الجمهور ونفي توقيع عقوبة منع النادي من القيد فترتين كقرار تأديبي من الفيفا.
وقال نصر، خلال تصريحات تليفزيونية ببرنامج” مودرن سبورتس”، عبر قناة” Modern mti”: ” التاريخ هيذكر مجلس إدارة الزمالك أنه حقق سوبر أفريقيا وكونفدرالية ودوري وكأس، عايزين إيه أكتر من كده، كنت أتمنى من الناس اللي بيقولوا زملكاوية ما يطلعوش في التليفزيون ويرموا اتهامات”.
و أكمل:” أنا رجعت للمستثمرين 800 مليون جنيه بسبب سحب الأرض، ولو كانت معايا الفلوس دي كان الوضع هيبقى مختلف تمامًا
أنا حليت المشكلة، وفي جهات كانت بتراقبني، وكان في عقود قدامنا، لكن اضطرينا نرجّع الفلوس”.
وشدد نصر:” لما أقدر أوفر وأجمع وأسدد وأخد الدوري بالإمكانيات دي، يبقى لو كان معايا الـ800 مليون كنا خلصنا كل القضايا”.
و أجاب ردا على سؤال:” مكنتوش تعرفوا إن في قرار تأديبي، ومكنتش هتعلن غير لما الأمور توصل للنقطة دي؟ الناس زعلت أن نزل نفي على التطبيق، والجمهور صدق، وبعدها الأمور اتكشفت؟: “لا الخبر اللي نزل مش غلط لان القرار التأديبي لم يُنفذ حتى الآن، وهيتنفذ فقط لو فشلنا في التفاوض فهو مفيش قرار نهائي”.
وواصل نصر:” إحنا شغالين دلوقتي على حل الأزمة ومحاولة إيقاف تنفيذ القرار قبل ما يتطبق لو القرار اتنفذ، عندي فريق قوي قدر يفوز بالدوري ووصل نهائي الكونفدرالية”.
وأشار:’ الحمد لله عندي 7 لاعبين ناشئين، وجمهور الزمالك راضي عنهم جدًا، اللاعبين دول من أبناء الزمالك، وهم اللي سدوا مكانهم وكسبناهم للنادي إحنا معتمدين على أولادنا، مش جايبين لاعيبة من بره حتى لو حصل إيقاف قيد، عندي قوام فريق يقدر يكمل لحد ما نحل كل الأزمات”.
