أشاد الإعلامي مهيب عبد الهادي بالأداء الذي يقدمه المنتخب الوطني المصري تحت قيادة المدير الفني الكابتن حسام حسن، مؤكداً أن “العميد” نجح في استعادة حالة الالتفاف الجماهيري التي لم يشهدها الشارع المصري منذ عصر الجيل الذهبي للمنتخب بقيادة الأسطورة حسن شحاتة في أعوام 2006، 2008، و2010.
وقال عبد الهادي، خلال تصريحات تليفزيونية ببرنامج “اللعيب”، عبر قناة “mbc مصر”:” مبروك الاداء الرائع والثقة الكبيره اللي رجعت لنا في منتخب مصر، مبروك حاجات كتير والفرحة اللي فيها المصريين والكابتن حسام حسن اللي نزل الجماهير الشارع مره اخرى منذ الاسطورة حسن شحاته اللي كان مخلينا في الشوراع على طول”.
وتابع:” الشعب المصري كان في الشوراع 2006 و2008 و2010، مشوفناش الحاجات دي من2010 من 16 سنه اللهم الا لما صعدنا مع كوبر مشوفناش يوميا الجماهير في الشارع، والساعه 4 الصبح زي 4 العصر، والرد جاي من الشعب، الجماهير وده احسن رد في الدنيا”.
و أضاف عبد الهادي:’ سيبوكم من اللي بيكلم الرد من الجماهير الناس في الشارع كل سنة وانت طيب، شكرا حسام حسن رجعت البسمه والفرحه للشعب المصري، كفايه وخلص اللي عليه 5 نقط مجموعة بلجيكا ونتيجه محدش يحلم بها”.
وواصل:” ليه في فريقين احنا حاجه واحده ودايما بيدخل حاجه في النص اصل مخدش لاعب من هنا، اصل المفروض ياخد اللاعب ده واحنا بنلعب كاس العالم خلاص”.
وشدد عبد الهادي:” في ناس مش عاوزه تفرح مشكلتها، بلاش تستكتروا الفرحه على الناس، سيبوا الناس تفرح، ويقولوا المصريين اهم، والرجل كده ومدير فني وافق وشادد نفسه وعروقه وهيموت نفسه عاوزين ايه، وكيروش معنا كان بيقف عادي ولما خسرنا كاس الامم قال هارد لك، وفي ناس مموته نفسها علشان مصر”
وأختتم: “اللي بيكلم على الاداء والفنيات مش وقته، احنا في كاس العالم مش وقته خرج مين ودخل مين، انت متعرفش حاجه، اسكتوا شويه سيبوا الناس تشتغل سيب المدير الفني، يا خويا دي بلدك اصبر على الريتش ، استنوا لما البطولة تخلص في حاجه غريبه ناس تقول حاجه ويغيروا رايهم كل التوفيق للمنتخب”.
